Túrkistan oblysynda zııandy energetıkalyq sýsyndar satylymnan alyndy
2022 jylǵy 30 maýsym 22:39

Túrkistan oblysynda zııandy energetıkalyq sýsyndar satylymnan alyndy

TÚRKІSTAN. QazAqparat - Túrkistan oblysynda zııandy energetıkalyq sýsyndar satylymnan alyndy. Qazirgi tańda zııandy ónimderdi dúkenge jetkizip berýshiler anyqtalyp jatyr, dep habarlaıdy QazAqparat tilshisi.

Sanıtarııalyq-epıdemıologııalyq baqylaý departamentine qarasty aýdandyq basqarmalar tarapynan energetıkalyq sýsyndardyń quramyn zertteýge monıtorıng júrgizildi. «Flash upEnergy» jáne «Monster Energy» alkogolsiz, energetıkalyq sýsyndary zerthanalyq zertteýge alynyp, nátıjesinde «Monster Energy» sýsynynyń quramynan adam densaýlyǵyna qaýipti konservant-natrıı benzoatynyń (E211) mólsherden tys qosylǵandyǵy anyqtaldy. «Keden odaǵynyń «Taǵamdyq qospalar, hosh ıistendirgishter qaýipsizdiginiń talaptary jáne tehnologııalyq qosalqy quraldar» 029/2012 tehnıkalyq reglamenti talaptaryna sáıkes, ruqsat etilgen norma mólsheri 150 mg/l aspaýy tıis.

Alaıda saraptamaǵa alynǵan sýsyndardyń ishinde óndirýshi kompanııasy «Refresco Benelux B.V» bolyp tabylatyn, óndirilgen merzimderi 11.2021j-11.2023j, 03.2022j-03.2024j, 02.2022j-02.2024j aralyǵyndaǵy «Monster Energy»-diń quramynan natrıı benzoaty 165-173 mg/l mólsherde qosylǵandyǵy belgili boldy»-deıdi Túrkistan oblysynyń SEBD baspasóz hatshysy Ardaq Berden.

Sanıtarııalyq-epıdemıologııalyq baqylaý basqarmalary tarapynan dúken ıelerine atalǵan sýsynnyń joǵarydaǵy partııalaryn saýda sórelerinen alyp tastaý jóninde uıǵarym berildi.

«Natrıı benzoaty (E211 qospasy) - konservant qasıetine ıe, dámi men ıisi joq aq untaq. Konservant ónimniń saqtaý merzimin uzartý úshin qoldanylady. Mólsherden tys qoldanylsa adam aǵzasyna óte zııandy, psevdo-allergııalyq reaktsııalar týdyrady. Sondaı-aq, fermentterdiń túzilýin jáne maılardyń bólinýin buzady, qartaıý protsesin tezdetedi, baýyr tsırrozy, parkınson aýrýy, búırek jetkiliksizdigi, neırodegeneratıvti aýrýlarǵa soqtyrýy ábden múmkin» - deıdi Ardaq Berden.

Sondaı-aq mamandar balalarǵa quramynda E211 konservanty bar ónimderdi qoldaný múldem usynylmaý kerektigin aıtýda. Sebebi, ol zeıinniń tómendeýine, nazardyń jetispeýshiligine, gıperaktıvtiliktiń, zııatkerlik qabiletterdiń álsireýine alyp keledi eken.

Sýret: www.theregreview.org
Seriktester jańalyqtary

Jańalyqtar

Úrdis

MURAǴAT