+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Túrkistan oblysynda jyl sońyna deıin 48 mektep paıdalanýǵa beriledi

2020 jylǵy 13 tamyz 00:14
Bólisińiz:
Túrkistan oblysynda jyl sońyna deıin 48 mektep paıdalanýǵa beriledi

TÚRKІSTAN. QazAqparat – Túrkistan oblysynda jańa oqý jylynda oqýshylardyń 92% qashyqtan oqytý formatynda bilim alady. Bul týraly oblys ákimi Ómirzaq Shókeev Óńirlik kommýnıkatsııalar qyzmetinde onlaın rejımde ótken brıfıngte málim etti, dep habarlaıdy QazAqparat tilshisi.

Uqsas jańalyqtar
ShQO mektepterinde 60-qa jýyq zańbuzýshylyq anyqtaldy Qaraǵandy oblysynyń mektepterinde ashanalar ashylýda Nur-Sultanda 0-4-synyptarǵa sabaq qashyqtan ótkiziledi

Aımaq basshysy sondaı-aq, óńirde epıdemıologııalyq jaǵdaı turaqtanǵanyn jetkizdi. Eger oblystyń Bas sanıtar dárigeri ruqsat bergen jaǵdaıda balalar sany 180-nen aspaıtyn shalǵaıda ornalasqan shaǵyn-jınaqy mektepterdiń oqýshylary dástúrli túrde oqıtyn bolady. Búginde oblysta mundaı 139 shaǵyn mektep pen onda oqıtyn 12 myńnan asa oqýshy bar. Ómirzaq Estaıulynyń sózinshe, jergilikti aýdan men qala ákimderi, bilim basqarmasy birlesken túrde barlyq tıisti qaýipsizdik sharalaryn qabyldaýy qajet. Eń aldymen mektepte medıtsınalyq qyzmetker kúni boıy oqýshylardy baqylaýy kerek. Sanıtaızerler ornatylyp, ár partaǵa tek bir oqýshydan otyrýy tıis. Al, shalǵaı aýyldarǵa ǵalamtor jelisin tartý men az qamtamasyz etilgen otbasy balalaryna kompıýter berý, oqýshylardy kitappen qamtamasyz etý sharalary qolǵa alynady.

«Búgingi tańda az qamtamasyz etilgen otbasynan shyqqan oqýshylardyń kompıýterlik tehnıkasy joq. Ol úshin Úkimet tarapynan 57 myńnan astam kompıýter áperý protsesi júrýde. Atalǵan tehnıkalyq jabdyqtar I toqsannyń aıaǵyna deıin jetkiziledi. Kompıýterlik tehnıka az qamtamasyz etilgen otbasynan shyqqan bilim alýshylarǵa jáne ustazdarǵa qashyqtan oqytý kezinde paıdalaný úshin ýaqytsha beriletin bolady»,-dedi Ómirzaq Shókeev.

Aıta keteıik, oblystaǵy 838 eldi mekenniń 707-de ınternet jáne uıaly baılanys júıeleri bar. Degenmen 131 aýylda áli kúnge ınternet jelisi joq. Bul máseleni ońtaıly sheshý boıynsha Qazaqstannyń tsıfrlyq damý, ınnovatsııalar jáne aeroǵarysh ónerkásibi mınıstrligi, uıaly operatorlar «Qazaqtelekom» AQ-men birlese otyryp, 2 jyldyq damytý baǵdarlamasyn daıarlaýda. Sonymen qatar oqý jylyna daıyndyq barysynda oblystaǵy barlyq bilim mekemelerine qajet oqýlyqtardyń 100% qarjysy tólenip, tasymaldaý jumystary uıymdastyrylǵan. 25 tamyzǵa deıin barlyq oqýshylarǵa qajetti oqýlyqtar jetkizilmek. Budan bólek, jyl sońyna deıin 48 mektep paıdalanýǵa beriledi dep josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT