+7 (701) 759 90 19
USD 432.94 EUR 513.68
RUB 5.62 CNY 66.1
Jańalyqtar

Túrkistan oblysynda jol sapasyn jaqsartýǵa 20 mlrd teńge qaralyp otyr

2021 jylǵy 1 naýryz 22:38
Bólisińiz:
Túrkistan oblysynda jol sapasyn jaqsartýǵa 20 mlrd teńge qaralyp otyr

TÚRKІSTAN. QazAqparat - Túrkistan oblysynda 828 nysan nemese 1,5 myń shaqyrymnan astam jol men kóshede qurylys-jóndeý jumysy aıaqtalyp, paıdalanýǵa berildi, dep habarlaıdy QazAqparat.

Uqsas jańalyqtar
Bıyl Taldyqorǵan-Úsharal joly aıaqtalady Almatyda 250 myń sharshy metr jol jóndeledi Qazaqstandaǵy joldardyń 4,7 myń shaqyrymynda qurylys júrip jatyr

Aýqymdy jumys bıyl da jalǵasýda. 2021 jyly jergilikti mańyzy bar avtomobıl joldarynyń jaqsy jáne qanaǵatty jaǵdaıdaǵy úlesin 81,4%-ǵa jetkizý kózdelip otyr.

Bul týraly oblys ákimi Ómirzaq Shókeevtiń tóraǵalyǵymen ótken apparat otyrysynda aıtyldy.

Túrkistan oblysynda avtomobıl joldary men eldi meken kósheleriniń uzyndyǵy - 17 637 shaqyrym.

Byltyr avtomobıl joldaryn damytýǵa bıýdjetten 54,8 mlrd teńge bólingen.

Oblys joldary jaıly baıandaǵan Túrkistan oblysy jolaýshylar kóligi jáne avtomobıl joldary basqarmasynyń basshysy Rolan Ibragımovtyń aıtýynsha, bıyl jol salasyn damytýǵa bıýdjetten 19,9 mlrd teńge qaralýda.

156 nysan nemese 538 shaqyrym jol men eldi meken kósheleri qamtylady dep josparlanǵan.

Bıyl Túrkistan qalasyndaǵy áýejaıǵa baratyn avtomobıl jolyn, Túrkistan-Kentaý, Túrkistan-Baltakól, Kentaý-Aysaı, Shymkent-Aqsýkent, Aqsýkent-Qaramurt, Shymkent-Saıram, Sharaphana-Jańabazar baǵyttaryndaǵy joldar paıdalanýǵa berilmek.

Budan ózge, Maqtaaral, Jetisaı, Keles aýdandaryndaǵy oblystyq mańyzy bar avtomobıl joldaryn jańartý jumystaryn aıaqtaý kózdelýde.

Sáýir aıynda Túrkistan qalasyndaǵy jańadan salynǵan áýejaıǵa baratyn 16,3 shaqyrym jol paıdalanýǵa beriledi.

Túrkistan-Kentaý baǵytyndaǵy uzyndyǵy 19 shaqyrym jolǵa ortasha jóndeý jumysy júrgizilýde.

Sonyń ishinde aıaqjol, velojol, jaryqtandyrý qarastyrylǵan.

Budan basqa Túrkistan qalasyna Kentaý qalasynan kireberis 26,6 shaqyrym joldy jóndeý bastaldy.

Al, Túrkistan-Baltakól, Túrkistan-Qarnaq-Kentaý, Kentaý-Aysaı baǵyttaryndaǵy 113,2 shaqyrym jol kúrdeli jáne ortasha jóndeýden ótkizilýde.

Jóndeý jumystary jyl sońyna deıin tolyq aıaqtalady.

Shardara-Temirlan baǵytyndaǵy jalpy uzyndyǵy 162,6 shaqyrym jolǵa kúrdeli jáne ortasha jóndeýden ótip jatyr.

Shymkent-Aqsýkent, Aqsýkent-Qaramurt, Shymkent-Kóksáıek baǵyttaryndaǵy 50 shaqyrymnan asatyn kúre jol jóndeýden ótkizilýde.

Jyl sońyna deıin jumystar tolyq aıaqtalyp, halyq ıgiligine beriledi.

Al, Maqtaaral, Jetisaı, Keles aýdandary aýmaǵynda uzyndyǵy 50 shaqyrymǵa jýyq jol jóndelýde.

Odan bólek, osy aýdanda jalpy uzyndyǵy 184,6 shaqyrymdy quraıtyn 11 oblystyq mańyzy bar avtomobıl joldary jańartylyp jatyr.

Bul joldar qyrkúıek aıynda paıdalanýǵa beriledi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT