Túrkistan oblysynda jeti jyldan beri salynyp jatqan jerasty joly qyrkúıekte aıaqtalady

TÚRKІSTAN. QazAqparat - Túrkistan oblysynda jeti jyl boıy salynyp jatqan jerasty avtojolynyń qurylysy qyrkúıekte aıaqtalady. Qurylysshylar búginde Boraldaı taýyn indete qazyp, bir-birine qarsy bette eki tonnel salǵan, dep habarlaıdy QazAqparat tilshisi.

Uqsas jańalyqtar

Tarazda 1,5 mlrd teńgege jaǵalaýdaǵy demalys orny ashylmaq

Nurotandyqtar Almatydaǵy jol jóndeý jumystarynyń sapasyn baqylaýǵa aldy Merki-Býrylbaıtal jolyn jóndeý jumysy jalǵasyp jatyr Buqtyrmadaǵy kópir qurylysy 3 jylda aıaqtalady

«Jol aktıvteri ulttyq sapa ortalyǵy» Túrkistan oblystyq fılıalynyń málimetinshe, qurylys júrgizip jatqan merdiger mekem búginde jerasty jolyn tolyqtaı gıdroızolıatsııalyq materıalmen qymtaýda. Condaı-aq, Shymkent qalasy men Jambyl oblysy shekarasyndaǵy Shaqpaq ata aýylynyń tusyndaǵy joldy armatýramen toqyp, betonmen qaptaýda. Tonneldiń jalpy uzyndyǵy - 840 metr. Eni -13, bıiktigi 9 metr. Jerasty jolynyń basy Túlkibas aýdanynan bastalyp, Jambyl oblysy terrıtorııasynan bir- aq shyǵady.

«Jerasty joly bul jerge bekerden beker salynyp jatqan joq. Bul - «Kúıik asýy» sekildi «Batys Eýropa-Batys Qytaı» trassasynyń eń qaýipti tusy. Taý jotalarynyń arasy únemi azynap turady. Úskirik jel jeńil kólik túgil, aýyr tehnıkalardy da bel ortasyna deıin kómip tastaıdy. Tonnel osyndaı jol azabyn jeńildetý úshin salynyp jatyr. Taý ortasy bolǵan soń kúrdeli ınjernerlik-tehnıkalyq sheshimderdi qajet etken jaǵdaılar boldy. Jer asty sýlary shyǵyp ketti. Tóbesi opyrylyp qulady. Qurylysshylar sondaı qaýip-qaterge karamaı, tonnel qurylysyn jalǵastyrýda. Bul Qazaqstandaǵy teńdessiz ári jalǵyz jerasty avtojoly bolmaq»,- deıdi sala mamandary.