+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistan oblysynda jazǵy lagerler 15 maýsymnan bastap oqýshylardy qabyldaıdy

2020 jylǵy 3 maýsym 09:45
Bólisińiz:
Túrkistan oblysynda jazǵy lagerler 15 maýsymnan bastap oqýshylardy qabyldaıdy

NUR-SULTAN. QazAqparat - Túrkistan oblysynyń bas memlekettik sanıtar-dárigeriniń jańa qaýlysy negizinde birshama shekteýler jeńildetilip, áleýmettik nysandar iske qosylýda, dep habarlaıdy Óńirlik kommýnıkatsııalar qyzmetiniń baspasóz qyzmeti.

Uqsas jańalyqtar
Jańa oqý jyly: Qazaqstanda bastaýysh synyp oqýshylary qalaı oqıdy Balabaqshalar ázirge jumys istemeıdi - mınıstr Qashyqtan oqý formatyna qaramastan oqýshylardy oqýlyqtarmen qamtamasyz etemiz - mınıstr

Máselen, bıyl lagerlerge oqýshylardy qabyldaý 15-30 maýsym aralyǵynda bastalady dep josparlanýda. Bul týraly óńirlik kommýnıkatsııalar qyzmetinde ótken brıfıngide oblystyq Adamı áleýetti damytý basqarmasynyń basshysy Raqymbek Jolaev málim etti.

Onyń aıtýynsha, bıylǵy jaz mezgilinde qala syrtynda 23 saýyqtyrý lageri jumys isteıdi dep josparlanǵan. Onyń ishinde 8-i memlekettik, 15-i jeke menshik. Bıyl oblys boıynsha 1-10 synyp oqýshylarynyń jalpy sany – 416 086 oqýshyny quraıdy. Óńirdegi 23 saýyqtyrý lageri 32 myńnan astam balany qabyldaıdy.

«Túlkibas aýdanyndaǵy «Samal«lagerinde oblysymyzdaǵy 5 balalar úıiniń jetim jáne ata-ana qamqorlyǵynsyz qalǵan 250-ge jýyq tárbıelenýshileri jaz boıy demalady. Sondaı-aq, Maqtaaral aýdanyndaǵy tótenshe jaǵdaı oryn alǵan eldi mekenderdegi 820 oqýshy 15 kúnnen jazǵy demalysqa barady. Olar «Baldáýren-Qapshaǵaı» jáne «Baldáýren-Túrkistan» oqý-saýyqtyrý ortalyǵyna, «Saryaǵash» balalar sanatorııine, aýdandardaǵy «Baldáýren», «Qazyǵurt», «Báısheshek», «Erkejan» saýyqtyrý lagerlerine barady», - dedi Raqymbek Qýatbekuly.

Sonymen qatar, basqarma basshysy oblystaǵy balabaqshalar tek ata-analardyń suranysy men ótinishi negizinde iske qosylatynyn aıtty.

«Bıyl oblysta 2020 jyldyń 20 naýryzyna deıin 1447 mektepke deıingi uıymdar jumys istedi. Onyń ishinde 1271 balabaqsha, 176 memlekettik shaǵyn ortalyq. Onda 1-6 jastaǵy 153 296 bala tárbıelenýde. Jalpy mektepke deıingi uıymdardyń úlesiniń 69%-y jekemenshik. Qaýlynynyń №9 qosymshasynda mektepke deıingi uıymdarda ata-anasynyń mindetti jumysta bolýy shart jáne balalaryna qaraýshysy joq otbasylar úshin jumys isteıtin kezekshi toptardy ashý jáne kezekshi toptarmen jumys jasaý algorıtmi kórsetilgen. Sondyqtan balabaqshalarda kezekshi toptar ashylýy múmkin», - dedi basqarma basshysy.

Aıta keterligi, mektepke deıingi uıymdardaǵy qyzmetkerlerdiń eńbek jalaqysy saqtala otyryp, úılerinde qashyqtan jumystaryn jalǵastyrýda, al, keıbiri óz ótinishteri boıynsha kezekti eńbek demalysynda.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT