+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Túrkistan oblysynda jasóspirimderdiń quqyq buzýy edáýir tómendegen - forým

2020 jylǵy 22 qańtar 22:18
Bólisińiz:
Túrkistan oblysynda jasóspirimderdiń quqyq buzýy edáýir tómendegen - forým

TÚRKІSTAN. QazAqparat – Túrkistan oblysynda jasóspirimder tarapynan jasalatyn quqyqbuzýshylyqtar edáýir tómendegen.

Uqsas jańalyqtar
Amandyq Batalov jumystan qýǵan sheneýnik ketpeıtin boldy Shymkent mańyndaǵy bólimnen áskerı qyzmetshi qarý-jaraq alyp qashty Danıal Ahmetov: Shekaradan birde-bir shetel azamaty ótpeıdi

Bul týraly respýblıkalyq qoǵamdyq belsendiler men prokýratýra jáne ishki ister organdary qyzmetkerleri qatysqan «Qaýipsiz balalyq shaq» atty ashyq forýmda sóz boldy, dep habarlaıdy QazAqparat tilshisi.

Oblystyq prokýratýra uıymdastyrǵan sharaǵa aımaq ákimi Ómirzaq Shókeev pen jergilikti atqarýshy organdardyń basshylary, qala jáne aýdan ákimderi men quqyq qorǵaý jáne baqylaý organdarynyń basshylary, qoǵamdyq birlestikter men úkimettik emes uıymdardyń ókilderi, sondaı-aq eriktiler qatysty.

Forýmda oblys prokýrory Nurǵalym Ábdirov kámeletke tolmaǵandardyń problemalyq máselelerin barlyq múddeli organdar jáne qoǵam ókilderimen ashyq dıalog formatynda talqylaýdyń ózektiligi men qajettigin atap ótti.

Onyń sózinshe, ishki ister organdarynda esepke alynǵan balalardy tárbıeleý men psıhologııalyq qómek kórsetý máselesine den qoıylǵan. Osy oraıda oblys ákimdiginiń qoldaýymen bastaý alǵan «Bes terek» jobasy júzege asýda. Bes túrli mamannyń birikken zerdeleý jumystary jaqsy nátıje berip otyr. Jańa jobaǵa basqa oblystar da qyzyǵýshylyq tanytýda. Sondaı-aq, atqarylǵan júıeli jumystardyń nátıjesinde óńirde aǵymdaǵy jyly balalar arasyndaǵy sýıtsıd 32%, jynystyq zorlyq-zombylyq 22,7%, kámeletke tolmaǵandar tarapynan jasalǵan quqyqbuzýshylyq 16%, olarǵa qatysty jasalǵan qylmys 4,8 paıyzǵa tómendegen. Bala ómiri, tárbıesi men ál-aýqaty máseleleri óńirde bastaý alǵan alǵashqy ashyq forýmnyń negizgi áńgime ózegine aınaldy.

Forým barysynda bilim uıalarynda kúzetti kúsheıtý men balalardy jan-jaqty damytýǵa baǵyttalǵan úıirmelerdi kóptep ashý týraly aıtyldy. Basqosýǵa arnaıy qatysqan respýblıkalyq qoǵam belsendisi Rafael Gasanov balalar úıiniń túlekterine arnalǵan qoldaý kórsetý ortalyǵyn ashý týraly usynysyn jetkizdi. Ol ótken jyly Ómirzaq Shókeevtiń bastaýymen ótken jıyn barysynda kóterilgen ózekti máselelerdiń oń sheshimin tapqanyn tilge tıek etip, alǵysyn bildirdi. Ómirzaq Estaıuly kóterilgen usynystardy qoldap, qoǵam tarapynan usynylǵan barlyq oı-pikirlerdi talqylaýǵa daıyn ekenin jetkizdi.

«Atqarylǵan jumystardyń arqasynda úlken jetistikke qol jetkizip otyrmyz. Úgit-nasıhat jumystaryna úkimettik emes uıymdardy tartyp, qosymsha bilim berý jelisin ulǵaıtý qajet. Bul balalardy keleńsiz oılar men áreketterden arashalaıdy. Mektepterde jolda júrý erejesin keńinen túsindirý kerek. Synyp jetekshileri men balalardyń ózara senimin arttyrýǵa nazar aýdaryp, mektepter men kolledjderdegi pedagog-psıhologtardyń biliktiligin arttyrý jáne jaısyz otbasylarmen jumys júrgizýdi jetildirý qajet», – dedi forýmdy túıindegen oblys ákimi Ómirzaq Shókeev.

Aımaq basshysy aýdan men qala ákimderine, salalyq basqarma basshylaryna prokýratýra jáne basqa da ýákiletti organdar baıandamalarynda aıtylǵan syn-eskerpelerdi retke keltirýdi tapsyrdy. Forýmǵa qatysqan eriktiler atalǵan jumystarǵa belsendi aralasatyn boldy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT