+7 (701) 759 90 19
USD 409.19 EUR 461.24
RUB 5.67 CNY 58.26
Jańalyqtar

Túrkistan oblysynda UBT-ǵa 18,6 myń túlek qatysady

2020 jylǵy 28 mamyr 02:24
Bólisińiz:
Túrkistan oblysynda UBT-ǵa 18,6 myń túlek qatysady

TÚRKІSTAN. QazAqparat – Túrkistan oblysynda UBT-ǵa 18 634 túlek qatysady dep josparlanyp otyr. Bul týraly oblystyq adamı áleýetti damytý basqarmasynyń basshysy Raqymbek Jolaev málimdedi, dep habarlaıdy QazAqparat tilshisi.

Nur Otan partııasy Túrkistan oblystyq fılıalynyń basshylyǵy uıymdastyrǵan tikeleı efır kezinde suhbat bergen Raqymbek Jolaev 2019-2020 oqý jylyn qorytyndylap, bilim salasyndaǵy jańalyqtarmen bólisti. Onyń sózinshe, pandemııa qaýpine baılanysty bıylǵy ulttyq biryńǵaı testileýde saqtyq kúsheıtiledi.

«Ulttyq biryńǵaı testileý óńirde 20 maýsym men 5 shilde aralyǵynda ótedi. Ár aýdıtorııadaǵy testileýge qatysýshylar sany 2 esege azaıady. Sonymen birge 3-4 maýsym kúnderi sanıtarlyq talaptardy saqtaı otyryp, túlekter úshin mekteppen qoshtasý saltanatty is-sharalaryn ótkizýdi josparlap otyrmyz. Mekteptiń aýlasynda qysqa ǵana ýaqytqa sozylatyn jıynǵa synyp jetekshisi men birneshe ustaz jáne sany shekteýli ata-ana ǵana qatystyrylady. Qatysýshylar túgel maska kıip, ara qashyqtyqty saqtaýy tıis. Túlekterdiń ómirindegi erekshe sátke arnalǵan is-shara ótýi tıis oılaımyn», – dedi basqarma basshysy.

Raqymbek Jolaevtyń aıtýynsha, óńirde 11 synypty 24 658 oqýshy bitirgen. Koronavırýs pandemııasyna baılanysty UBT-ǵa ótinish berý rásimi onlaın jáne dástúrli túrde júrgizilgen. Oblys boıynsha testileýge túlekterdiń 75,5 paıyzy ótinish bildirgen. Olardyń test tapsyrýyna arnalǵan 15 pýnkt ázirlengen. Shalǵaı aýyldarda turatyn 11 200 oqýshyny UBT ótkizý oryndaryna tasymaldaý úshin tıisti qarjy bólingen.

Oblysta kópbalaly jáne az qamtylǵan otbasylardyń balalary úshin memleket tarapynan qosymsha grant qarastyrylady.

Basqarma basshysy oblys aýmaǵyn keń jolaqty ınternetpen tolyq qamtamasyz etý baǵytynda jumystar bastalǵanyn, eger pandemııa jalǵasqan jaǵdaıda árbir ata-ana balalaryn qajetti qurylǵy – smartfon, planshet, noýtbýkpen qamtamasyz etýge kúsh salýy kerektigin atap ótti.

«Biz 1 qyrkúıekte dástúrli oqý júıesine kóship, oqý jylyn mektepterde qarsy alýǵa úmittenip otyrmyz. Karantın toqtasa, oqýshylarymyzdy jazǵy saýyqtyrý lagerine jiberýge de daıynbyz. Demalys oryndary saqadaı-saı. Biraq qaýipti indettiń taralýy toqtamasa, qashyqtyqtan oqytýǵa májbúr bolamyz», - dedi R.Jolaev.

Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT