+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrkistan oblysynda túrli etnos ókilderi arasynda spartakıada ótti

2019 jylǵy 13 qazan 06:49
Bólisińiz:
Túrkistan oblysynda túrli etnos ókilderi arasynda spartakıada ótti

SAIRAM. QazAqparat – Túrkistan oblysynyń Saıram aýdanyndaǵy ortalyq sport alańynda etnomádenı birlestikter arasynda spartakıada ótti. Oblystyq «Qoǵamdyq kelisim» kommýnaldyq memlekettik mekemesi uıymdastyrǵan jarysqa qatysýshylar sporttyń bes túrinen synǵa tústi, dep habarlaıdy QazAqparat tilshisi.

Qazaqstan halqynyń birligin saqtaý men etnostar dostyǵyn arttyrýdy maqsat etken spartakıadaǵa Túrkistan, Saıram, Tólebı, Maqtaaral, Saryaǵash aýdandarynyń etnomádenı birlestik ókilderi men oblystyq kúrdi, qyrǵyz, ıran, ózbek etnomádenı birlestikterden komandalar qatysty. Sporttyq dodanyń saltanatty ashylý rásiminde sóz alǵan oblystyq Qazaqstan halqy Assambleıasy hatshylyǵynyń meńgerýshisi, tóraǵasynyń orynbasary Ǵanı Rysbekov saıysty uıymdastyrýdyń mańyzdylyǵyna toqtalyp, qatysýshylarǵa sáttilik tiledi. Túrli etnos ókilderin bir alańda jınap, sporttaǵy baqtaryn synaý múmkinshiligin erekshe atap ótti. Sondaı-aq shara ulttar arasyndaǵy tatýlyq pen turaqtylyqty bekemdep, yntymaqty arttyrýǵa sep bolyp otyrǵanyn jetkizdi.

Jarysqa qatysýshylar sporttyń shahmat, kishi fýtbol, ústel tennısi, jeńil atletıka men voleıbol túrinen saıysty. Tańnan bastalǵan sport dodasynda aıaq dop sheberleri men teńbil doptyń myqtylary jankúıerlerdiń qyzý qoldaýyna bólendi. Jeńis tuǵyryna umtylǵan júırikter tartysty oıyn órnegin kórsetip, olardyń sheberligin ádil tóreshiler baǵalady.

Sonymen, spartakıada qorytyndysy boıynsha barlyq sport túrinen alǵa shyǵyp, alǵyrlyqtarymen kózge túsken Saıram aýdanynyń komandalary bas júldeniń bıiginen kórindi. Birinshi orynnyń tuǵyryn oblystyq ózbek etnomádenı birlestiginiń sportshylary baǵyndyrdy. Al, júldeli ІІ orynǵa Maqtaaral aýdany turaqtasa, ІІІ oryn tólebılikterge buıyrdy. Sondaı-aq, jeńimpaz atanǵan komandalar aqshalaı syılyqtarmen, kýboktarmen jáne sáıkes dárejedegi dıplomdarmen marapattaldy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT