Jańalyqtar  >
Túrkistan oblysynda turǵyndar medıtsınalyq uıymdardyń reıtıngisin qalyptastyrady
2022 jylǵy 11 tamyz 22:23

Túrkistan oblysynda turǵyndar medıtsınalyq uıymdardyń reıtıngisin qalyptastyrady

TÚRKІSTAN. QazAqparat - Túrkistan oblysynda táýlik boıy jumys isteıtin biryńǵaı medıtsınalyq-aqparattyq Call-ortalyq iske qosyldy, dep habarlaıdy QazAqparat tilshisi.

Densaýlyq saqtaý salasyndaǵy sapany jaqsartý maqsatynda iske qosylǵan Sall-ortalyq Túrkistan oblysy qoǵamdyq densaýlyq basqarmasy janynan quryldy. Oǵan óńirdegi kez kelgen turǵyn 1305 qysqa nómirin terý arqyly habarlasa alady.

Sall-ortalyqtyń negizgi mindeti – oblystyq medıtsınalyq qyzmetterdiń jumysyn úılestirýdi jaqsartý, azamattardyń barlyq ótinishterin ýaqtyly baqylaý, sondaı-aq aqparattyq-taldaý ortalyǵyn qurý, turǵyndarǵa sapaly qyzmet kórsetý.

Turǵyndar Call-ortalyqqa qońyraý shalyp, belgili bir medıtsınalyq mekemeniń nemese naqty mamannyń jumysyna shaǵym jasap, densaýlyq saqtaý salasyna qatysty kásibı jaýaptar ala alady. Shaǵymdar shuǵyl túrde qaralyp, operatorlardyń qyzmet kórsetý sapasyn baqylaý jónindegi bas dárigerlerdiń orynbasarlarymen tikeleı baılanysy arqyly pysyqtalady.

Shaǵymdar negizinde toqsan saıyn oblystyń medıtsınalyq uıymdarynyń reıtıngileri jasalady.

Ortalyqta 12 adam jumys isteıdi. Olardyń barlyǵy – medıtsına salasynyń ókilderi.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT