+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Túrkistan oblysynda tegin medıtsınalyq kómek kórsetetin uıymdar anyqtaldy

2019 jylǵy 27 aqpan 03:05
Bólisińiz:
Túrkistan oblysynda tegin medıtsınalyq kómek kórsetetin uıymdar anyqtaldy

TÚRKІSTAN. QazAqparat - «Áleýmettik medıtsınalyq saqtandyrý qory» Kommertsııalyq emes aktsıonerlik qoǵamy Túrkistan oblysynda aǵymdaǵy jyly halyqqa tegin qyzmet kórsetetin densaýlyq saqtaý nysandarymen kelisimshart túzýdi aıaqtady, dep habarlaıdy QazAqparat tilshisi.

Qordyń oblystyq fılıaly dırektorynyń mindetin ýaqytsha atqarýshy Nurshat Aıtymbetova Óńirlik kommýnıkatsııalar qyzmetinde ótken baspasóz jıynynda málim etkendeı, medıtsınalyq saqtandyrý qorymen kelisimshartqa turǵan emhanalar men klınıkalar memlekettik tapsyrysty oryndaýǵa kirisken.

«Bıyl Túrkistan oblysy boıynsha memlekettik tapsyrysty 34 jekemenshik klınıka oryndap jatyr. Bul, Medıtsınalyq saqtandyrý qorynyń derekqoryna óńir boıynsha engen 73 medıtsına uıymynyń 46 paıyzyn quraıdy. Qalǵan 54 paıyzy - memlekettik emhanalar sanalady. Oǵan qosa, jekemenshik klınıkalar ońaltý jáne qalpyna keltirýge baǵyttalǵan kómek túrlerin kórsetýge de belsendi túrde atsalysyp jatyr», - dedi oblystyq fılıal dırektorynyń mindetin ýaqytsha atqarýshy.


Qor ókilderiniń aıtýynsha, oblys boıynsha tegin medıtsınalyq kómek kórsetetin jetkizýshi uıymdarmen bekitilgen kelisimsharttyń jalpy somasy 71 mlrd 550 mln teńgeni qurap otyr. Onyń ishinde, memlekettik emhanalarmen - 66 mlrd 229 mln teńgeniń, jekemenshik klınıkalarmen - 5 mlrd 321 mln teńgeniń kelisimsharty bekitildi.

Mamandardyń pikirinshe, jekemenshik klınıkalar statsıonardy almastyratyn kómek túrlerin kórsetýde belsendilik tanytýda. Sonymen qatar, statsıonarlyq jáne emhanalyq-ambýlatorlyq, aýyldyq jerlerdegi emhanalyq-ambýlatorlyq jáne konsýltatıvtik-dıagnostıkalyq kómek, joǵary tehnologııalyq qyzmetter kórsetý baǵytynda da jekemenshik salanyń úlesi basym.

«Qazirgi tańda jekemenshik klınıkalar kórsetetin medıtsınalyq kómek túrleri de kóbeıdi. Máselen, bıylǵy jyly onkologııalyq, jedel medıtsınalyq jáne pallıatıvti, ońaltý jáne qalpyna keltirýge baǵyttalǵan kómek túrlerin kórsetýde erekshe belsendilik tanytyp otyr», - dedi Nurshat Aıtymbetova.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT