+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Túrkistan oblysynda sybaılas jemqorlyqpen kúres máseleleri talqylandy

2020 jylǵy 28 aqpan 00:21
Bólisińiz:
Túrkistan oblysynda sybaılas jemqorlyqpen kúres máseleleri talqylandy

TÚRKІSTAN. QazAqparat – Túrkistan oblysynda sybaılas jemqorlyq qylmystaryn jasaýǵa yqpal etken mán-jaılardy joıý jóninde keleli jıyn ótti.

Uqsas jańalyqtar
UQK úsh keden beketinde 20 shaqty adamdy ustady Qazaqstandyq bloger karantınge qaramastan Oralda kesh ótkizgen Túrkistan oblysynda 5 jasar sábı anasynan vırýs juqtyrǵan

Májilis barysynda Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń basshysy Hakım Kóshqalıev ákimshilik qyzmetkerleri arasynda sybaılas jemqorlyq derekteriniń oryn alýyna jol bergen birqatar azamattarǵa tıisti shara qoldaný máselesin kóterdi, dep habarlaıdy QazAqparat tilshisi.

Jıynǵa oblys ákiminiń orynbasary Sáken Qalqamanov pen oblys ákimdiginiń basqarma basshylary, aýdan-qala ákimderi apparatynyń mamandary jáne derbes bólim basshylary qatysty.

Jıynda sóz alǵan Hakım Kóshqalıev jemqorlyq táýekelderiniń týyndaýyna negiz bolatyn sebepter men jaǵdaılar týraly aıtyp, aǵymdaǵy jyldyń qańtar-aqpan aılarynda departament joldaǵan 8 usynymdy qaraý qajettigin alǵa tartty.

Onyń 4-ýi para alý, 2-ýi senip tapsyrylǵan bótenniń múlkin ıemdenip alý, 1-ýi alaıaqtyq, 1-ýi laýazymdyq ókilettikti teris paıdalaný derekteri boıynsha tirkelgen. Búgingi kúni qylmystyq isterdiń 2-ýi aıyptaý aktisimen sotta qaralyp jatyr.

Sonymen qatar departament basshysy óńirde qyzmet etip jatqan memlekettik qyzmetshilerdi ar tazalyǵyn bıik ustaýǵa, ári el ıgiligi jolynda halyqqa qaltqysyz qyzmet etýge shaqyrdy.

Jıyn barysynda memlekettik qyzmetshilerdiń basym kópshiligi jumysqa qabyldaý, eńbek shartyn uzartý jáne memlekettik satyp alý salalarynda jıi qylmystyq quqyqbuzýshylyqqa baratyndyǵy belgili boldy. Jıynda 2019 jyly ákimshilik qyzmetkerlerge qatysty anyqtalǵan 126 qylmystyq istiń sotqa deıingi tergep tekserýdiń biryńǵaı tizilimine engizilgendigi aıtyldy.

Onyń ishinde qylmystyq oqıǵalardyń 61-i para alý deregi, 31-i senip tapsyrylǵan bóten múlikti ıemdenip alý nemese talan-tarajǵa salý, 17-si alaıaqtyq, 12-si laýazymdyq ókilettikti teris paıdalaný derekteri boıynsha tirkelgen.

Sondaı-aq, ótken jyly 54 tulǵa ártúrli tártiptik jaýapqa tartylǵan. Jıyn sońynda quqyqbuzýshylyqqa jol bergen tulǵalarǵa qatysty tıisti tártiptik sharalar qoldaný usynyldy.

Memlekettik qyzmetshilerdiń ádep normalary men minez-qulyq qaǵıdalaryn odan ári jetildirý boıynsha profılaktıkalyq baǵyttaǵy sharalar jumysyn kúsheıtý kerektigi sóz boldy. Memlekettik kásiporyn basshysynyń orynbasarlaryn konkýrstyq komıssııa músheleri retinde qoǵam ókilderin qosa otyryp, aýdıo-vıdeo kómegimen konkýrs arqyly taǵaıyndaý usynyldy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT