Túrkistan oblysynda sýǵa ketken sheteldik stýdentterdi tikushaqpen izdep jatyr
2022 jylǵy 27 maýsym 20:48

Túrkistan oblysynda sýǵa ketken sheteldik stýdentterdi tikushaqpen izdep jatyr

TÚRKІSTAN. QazAqparat - Tóle bı aýdanyndaǵy Aqsý ózenine batyp ketken úndistandyq eki azamatty 58 adam izdestirip jatyr, dep habarlaıdy QazAqparat tilshisi.

Túrkistan oblysy TJD qutqarýshylary sýǵa aǵyp ketken eki sheteldik stýdentti izdeý jumysyn jalǵastyryp jatyr.

Qazirgi tańda TJD-dan 26 qutqarýshy, polıtsııadan 17 qyzmetker, jergilikti atqarýshy organdardan 15 adam jumyldyrylǵan.

«Aqsý ózeniniń aǵysynyń qatty ekenin, sonymen qatar shatqaldyń tik bolýyn eskere otyryp Tótenshe jaǵdaılar mınıstrliginiń «QazAvıa» qutqarý mekemesinen tikushaq tartyldy»,-dedi Túrkistan oblysy TJD bastyǵy Nurǵalı Júnisov.

Aıta keteıik, 26 maýsym kúni saǵat 20.10-da Túrkistan oblysy TJD kezekshi-dıspetcherlik qyzmetiniń pýltine Tóle bı aýdanynyń Hanaryq aýylynan 5 shaqyrym jerde ornalasqan Aqsý shatqalyndaǵy Aqsý ózeninde 2001 jylǵy 2 stýdenttiń belgisiz jaǵdaıda sýǵa túsip, batyp ketkeni týraly aqparat túsken bolatyn.

21 stýdentten quralǵan top Shymkent qalasynan kelgen. Barlyǵy - Ońtústik Qazaqstan medıtsına akademııasynda oqıtyn Úndistan azamattary.


Seriktester jańalyqtary

Jańalyqtar

Úrdis

MURAǴAT