Túrkistan oblysynda sýǵa batyp ketken eki sheteldik stýdent izdestirilip jatyr
2022 jylǵy 27 maýsym 10:00

Túrkistan oblysynda sýǵa batyp ketken eki sheteldik stýdent izdestirilip jatyr

TÚRKІSTAN. QazAqparat - Túrkistan oblysynyń qutqarýshylary eki sheteldik stýdentti izdeý jumystaryn júrgizip jatyr. Tótenshe jaǵdaılar qyzmetine Úndistan Respýblıkasynyń azamattary Aqsý shatqalyndaǵy Aqsý ózeninde sýǵa túsip, batyp ketkeni týraly aqparat túsken, dep habarlaıdy QazAqparat tilshisi.

Oblystyq TJD málimetinshe, sheteldik stýdentter Tólebı aýdanyndaǵy taýǵa 26 maýsym kúni saıahatqa shyqqan. 21 stýdentten quralǵan top Shymkent qalasynan kelgen eken. Olar Úndistan Respýblıkasynyń azamattary, Ońtústik Qazaqstan medıtsına akademııasynyń stýdentteri ekeni anyqtalǵan.

«Túrkistan oblysy TJD kezekshi-dıspetcherlik qyzmetiniń pýltine keshki saǵat 20:10 -da Tóle bı aýdanynyń Hanaryq aýylynan 5 shaqyrym jerde ornalasqan Aqsý shatqalyndaǵy Aqsý ózeninde 2001 jylǵy 2 stýdenttiń sýǵa batyp ketkeni týraly aqparat túsedi.

Іzdestirý-qutqarý jumystaryna TJD-dan 19 qyzmetker, 1 júzý quraly jáne 4 tehnıka, Polıtsııa departamentinen 10 qyzmetker jáne 5 tehnıkasy men quraldary jumyldyryldy. Іzdestirý jumystary áli jalǵasýda» delingen habarlamada.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT