Túrkistan oblysynda sharýalarǵa tyńaıtqysh arzan baǵamen beriledi
2022 jylǵy 5 sáýir 18:17

Túrkistan oblysynda sharýalarǵa tyńaıtqysh arzan baǵamen beriledi

TÚRKІSTAN. QazAqparat - Túrkistan oblysyndaǵy sharýalarǵa tyńaıtqysh arzandatylǵan baǵamen beriletin boldy. Bul týraly aımataǵy aýyl sharýashylyǵy basqarmasynyń basshysy Nurbek Badyraqov málimdedi, dep habarlaıdy QazAqparat tilshisi.

Basqarma basshysynyń aıtýynsha, jyl basynan beri selıtranyń baǵasy tonnasyna 73 myń teńgeden 200 myń teńgege deıin bir-aq kóterilgen. ıAǵnı, baǵa eki jarym esege ósken. Al, kórshi elderden keletin tyńaıtqyshtar odan da qymbat. Tonnasy 360 myń teńge turady. Saldarynan dıqandar kóktemgi dala jumystaryn bastaı almaı otyr.

«Biz osy máseleni qaıta-qaıta kóterýdiń nátıjesinde tyńaıtqyshtyń qunyn 200 myń teńgeden 160 myń teńgege deıin túsirdik. ıAǵnı, taýaróndirýshilerge qazirgi tańda 160 myń teńgeden bosatylyp jatyr. Eger tolyqqandy tólep alǵan jaǵdaıda, osynyń 80 myń teńgesi, ıaǵnı 50 paıyzy taýaróndirýshilerge memleket qazynasynan tólenedi. Jartylaı tólegen jaǵdaıda óndirýshi zaýyttarǵa 50 paıyzy tólenetin bolady», - deıdi Nurbek Badyraqov.

Óńirde sondaı-aq, jeńildetilgen janar jaǵarmaı taratý jumystary da bastalǵan. Arnaıy operatorlar belgilenip, lıtri 195 teńgeden satylýda dep atap ótti basqarma basshysy. Bul naryqtaǵy baǵadan 30-35 teńgege arzan.

«Qazirgi tańda sýbsıdııany tóleý normatıvi Ádilet mınıstrliginde tirkeýde tur. Ol aldaǵy kúnderi shyǵady. Bekitilip shyqqan soń, sýbsıdııa tóleýdi bastaımyz», - dedi Nurbek Badyraqov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT