Túrkistan oblysynda polıtseıler ıisshil ıttiń kómegimen esirtki tapty

TÚRKІSTAN. QazAqparat – Túrkistan oblysynda polıtseıler «Nıfı» atty ıttiń kómegimen esirtki zatyn tapty. Qyzmettik ıt Ózbekstan Respýblıkasyna qaraı ótip bara jatqan «Volvo» markaly júk kóligine úrip, belgi bergen, dep habarlaıdy QazAqparat tilshisi.

Uqsas jańalyqtar

SQO turǵyny 14,5 keli esirtkimen ustaldy

Óskemen turǵynynan 2 mln teńgeniń esirtkisi tárkilendi Elordada tirkelgen qylmystardyń sany 30 paıyzǵa qysqardy Pavlodarda esirtki satýmen aınalysqan qylmystyq top músheleri uzaq merzimge sottaldy

Oblystyq PD baspasóz qyzmetiniń málimetinshe, «Qazyǵurt» shekara beketinen aýdandyq polıtsııaǵa habarlama kelip túsken. Oqıǵa ornyna jetken Saryaǵash APB-niń shuǵyl tergeý toby sheteldik azamattyń kóliginen jasyrylǵan esirtki zatyn tapty. Tintý barysynda jedel ýákilder ózine tán hosh ıisi bar 1 paket esirtki zatyn tárkilegen. Saraptama qorytyndysyna sáıkes, tárkilengen esirtki 26 gramǵa jýyq keptirilgen marıhýana bolyp shyqty.

«Qazirgi ýaqytta atalǵan jaıt QR QK-niń 296-baby «Esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý» boıynsha qylmystyq is tirkelip, kúdikti ýaqytsha ustaý abaqtysyna qamaýǵa alyndy. Polıtsııa qyzmetkerleri oqıǵanyń tolyq mán-jaıyn anyqtaýda», - delingen habarlamada.