Túrkistan oblysynda oblystyq mańyzy bar birqatar joldar jabyldy

TÚRKІSTAN. QazAqparat – Túrkistan oblysynda aýa raıynyń qolaısyzdyǵyna baılanysty respýblıkalyq jáne oblystyq mańyzy bar joldarda kólik qozǵalysy toqtatyldy. Ásirese Ordabasy aýdany aýmaǵyndaǵy «Túrkistan-Shymkent» tas jolynyń aınalma joly jabylyp, kólik keptelisi týyndady, dep habarlaıdy QazAqparat tilshisi.

Uqsas jańalyqtar

5 naýryz kúngi aýa raıy boljamy

Qazaqstanda 9 oblys aýmaǵynda aýa raıyna baılanysty eskertý jarııalandy Qazaqstannyń 7 oblysyndaǵy joldarda kólik qozǵalysyna tyıym salyndy Aqmola oblysynda kólik qozǵalysy shekteldi

Oblystyq PD baspasóz qyzmetiniń málimetinshe, Ordabasy APB jeke quramynyń kúshimen joldardy tazartý jáne jolda qalyp qoıǵan avtokólikter men adamdarǵa kómek kórsetý jumystary atqarylýda. Qazirgi tańda avtokóliktiń barlyq túrleri úshin A-2 «Qorǵas-Almaty-Taraz-Shymkent-Tashkent» Respýblıkalyq mańyzy bar a/j 654 shaqyrymynda, Túlkibas aýdanynyń Mashat aýyly tusynda jol jabylǵan.

Sondaı-aq, oblystyq mańyzy bar ShQ-56 «Jambyl-Qumkent-Sholaqqorǵan-Aysaı» a/j 44-124 shaqyrymyndaǵy ýchaskesinde barlyq avtokólik túrleri úshin qozǵalys jabylǵan.

Báıdibek aýdanyndaǵy ShQ - 1, Qoshqarata-Jaryqbas-Birlik oblystyq mańyzy bar joldarda qozǵalys ýaqytsha toqtatyldy jáne Ordabasy aýdany Shubar aýdanyndaǵy M-32, Samara-Shymkent tas joldarynda qozǵalys shektelgen.

Buǵan deıin Sozaq aýdanynda baratyn oblystyq mańyzy bar ShQ-2 «Ulanbel-Sozaq-Ekpindi»a/j 576-623 km ýchaskesinde qozǵalys jabylǵanyn habarlaǵan bolatynbyz.

Óńirdiń polıtseıleri táýlik boıy kezeshilik uıymdastyryp, jolda qalǵan kólikter men jolaýshylarǵa qol ushyn sozýda.