+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Túrkistan oblysynda múmkindigi shekteýli jandar jańa qolarbalardyń sapasyn synap kórdi

2020 jylǵy 24 qańtar 20:38
Bólisińiz:
Túrkistan oblysynda múmkindigi shekteýli jandar jańa qolarbalardyń sapasyn synap kórdi

TÚRKІSTAN. QazAqparat – Túrkistan oblysynda múmkindigi shekteýli jandar jańa qolarbalardyń sapasyn synap kórdi. Mundaı shara óńirde alǵash ret bolyp otyr, dep habarlaıdy QazAqparat tilshisi.

Uqsas jańalyqtar
Túrkistan oblysy boıynsha shekteý sharalary kúsheıtildi Qazaqstanda koronavırýs juqtyrǵandar sany 500-ge jetti Qazaqstanda taǵy eki medbıke naýqastardan koronavırýs juqtyryp aldy

Qolarba sapasyna narazylyqtyń jıi týyndaýyna baılanysty birneshe taraptyń basyn qosqan oblys basshylyǵy, memleket tarapynan beriletin áleýetti ónim sapasyn arttyrýdy kózdep otyr.

Osyǵan qaraı oblys ákiminiń orynbasary Ulan Tájibaev múgedektigi bar azamattar men taýar jetkizýshi áleýetti ónim berýshiler retinde qoǵamdyq múgedekter uıymdary arasynda dóńgelek ústel ótkizdi. Basqosýda kórý, estý qabileti jaǵynan múgedektigi bar azamattarǵa memleket tarapynan beriletin ońaltýdyń tehnıkalyq quraldary jóninde de pikir almasty. Kezdesý barysynda áleýetti ónim berýshiler óz taýarlaryn tanystyrdy. Al, qolarbany tutynýshylar olardyń sapasy men yńǵaılylyǵyn synap kórdi. Múgedektigi bar azamattar qolarbalar men baldaqtardyń sapasyn synaqtan ótkizip, birqatar talap qoıdy. Balalar men eresekterge arnalǵan qolarbaǵa tańdaý jasaýǵa atsalysqan bılik basshylary eń aldymen olardyń sapasy men óndirýshisine nazar aýdarylatynyn jetkizdi. Sondaı-aq, aldaǵy ýaqytta arbaǵa tańylǵan azamattyń salmaǵyna men boıyna qarap tańdaý jasalatyn bolady. Osylaısha taraptar ózara pikir almasyp, ortaq mámilege keldi.

Aıta keteıik, búginde respýblıkada turatyn múgedektigi bar adamdardyń 14% Túrkistan oblysynyń azamattary quraıdy. ıAǵnı, 682 myń azamattyń 93 myńy oblystyń úlesinde. Olardyń ishinde 3 myńnan astamy qolarbalardy paıdalanady. Jyl saıyn oblys bıýdjeti esebinen aýystyrý merzimine qaraı myńnan astam adam qolarbamen qamtamasyz etiledi. Ótken jyly barlyǵy 1924 qolarba taratylǵan bolatyn. Jyl ishinde bul kórsetkishter qolarbalardyń aýystyrý merzimine qaraı qosymsha ózgerýi múmkin. Aýystyrý merzimderi qolarbalardyń túrlerine qaraı QR Densaýlyq saqtaý jáne áleýmettik damý mınıstriniń «Múgedekterdi ońaltýdyń keıbir máseleleri týraly» buıryǵyna sáıkes belgilenip, bólmelik qolarbalar – 7 jylǵa, serýendik qolarbalar - 4 jylǵa beriledi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT