Túrkistan oblysynda maldardy dárileý kezinde zańbuzýshylyqtarǵa jol berilgen
2022 jylǵy 29 maýsym 13:40

Túrkistan oblysynda maldardy dárileý kezinde zańbuzýshylyqtarǵa jol berilgen

TÚRKІSTAN. QazAqparat - Túrkistan oblysynda iri qara men usaq maldardy dárileý kezinde birqatar zańbuzýshylyqtarǵa jol berilgen. Mundaı zańbuzýshylyqtar oblystyq prokýratýra tarapynan júrgizilgen kezekti tekseris kezinde anyqtaldy, dep habarlaıdy QazAqparat tilshisi.

Óńirdiń qadaǵalaý organy ókilderiniń sózinshe, Túlkibas, Jetisaı, Saıram aýdandarynda satylyp ketken maldarǵa da ekpe egilgendigi jóninde jalǵan esepter berilgen. Asa juqpaly aýrýlarǵa qarsy ekpe egilmesede, salǵandyǵy jónide jalǵan qujat toltyrylǵan. Máselen, Túlkibas aýdanynda 9 aýyldyq okrýgte turǵyndardyń maldary túrkeýge alynbaı, vaktsına salý jumystary júrgizilmeı kelgen.

«Qazirgi tańda oblys ákimdigine usynys joldandy. Osy usynysqa sáıkes, birqatar aýdandardaǵy veterınarııa qyzmetkerler men mal dárigerlerinen túsiniktemeler alyndy. Tekseris nátıjesimen aýdan-qalalardaǵy veterınarııalyq pýnktterdiń meńgerýshileri, onyń fılıal basshylary tártiptik jaýapkershilikke tartylatyn bolady»,- deıdi Túrkistan oblystyq prokýratýrasy basqarmasynyń aǵa prokýrory Asylbek Turshaev.

Aıta keteıik, óńirde qazirgi tańda iri qaranyń sany 1 318 014 bas bolsa,

ýaq mal sany 5 707 542 basqa jetken. Al, jylqy sany 432 289 bas bolyp otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT