Valıýta baǵamdary:
    usd/kzt 470.34 eur/kzt 490.47

    rub/kzt 8.98 cny/kzt 70.25
Aýa raıy:
Nur-Sultan: 1 °S
Almaty: 15 °S

Túrkistan oblysynda mal urlyǵy boıynsha 7 kúdikti ustaldy

2022 jylǵy 20 mamyr 15:43

TÚRKІSTAN. QazAqparat – Túrkistan oblysynda jábirlenýshilerge 10 mıllıon teńgeden astam shyǵyn keltirgen mal urylary ustaldy, dep habarlaıdy QazAqparat tilshisi.

Kúdiktiler qylmys jasar aldynda óz rólderin josparlap, bólip alǵan. Máselen, basty kúdikti jaıylymda qaraýsyz júrgen jylqy, sıyrlardy baıqaǵan boıda, óziniń usaq maldaryna qosyp, aıdap áketip otyrǵan. Al, eki sybaılasyna urlanǵan tórt túlikti arzanǵa satý mindettelipti.

«Keles aýdandyq polıtsııa bólimine aryzdanǵan jergilikti turǵyn 3 sıyrynyń jaıylymnan urlanǵanyn kórsetken. Atalǵan is negizinde jedel-tergeý tobyn qurdyq. Kúdikti retinde jergilikti turǵynnyń jeke basy anyqtalyp, ony turǵylyqty mekenjaıynan ustadyq. Tergeý kezinde ol mal urlyǵymen aınalysqanyn moıyndap, qylmysty uıymdastyrýshy men satyp alýshy sybaılastary bar ekenin aıtty. Sodan keıin taǵy 6 kúdiktini qolǵa túsirdik», - dedi Túrkistan oblystyq polıtsııa departamenti bastyǵynyń orynbasary Qurmanbek Sahov.

Kúdiktiler oljalaryn «Gazel» markaly kólikpen tasymaldaǵan. Barlyǵy 28 úı janýaryn satyp alýshylarǵa, qasapshyǵa arzan baǵada ótkizip kelipti. Qylmystyq toptan aıǵaqty zat retinde «Gazel» kóligi, 6 jylqy men 2 sıyr tárkilendi.

Qazirgi ýaqytta sotqa deıingi tergeý amaldary júrgizilip jatyr.

Aıta ketsek, Atyraýda adam urlaý men zorlaýǵa qatysty qylmysty jasyrǵan polıtseıler sottaldy.


Avtor:

Qaırat Zaınıshev

Novostı po teme
Uqsas jańalyqtar