Jańalyqtar  >
Túrkistan oblysynda qurylys materıaldary  40 paıyzǵa deıin qymbattaǵan
2022 jylǵy 12 tamyz 00:37

Túrkistan oblysynda qurylys materıaldary 40 paıyzǵa deıin qymbattaǵan

TÚRKІSTAN. QazAqparat- Bıyl Túrkistan óńirinde jol qurylysyna qajetti materıaldar shamamen 20-40 paıyzǵa qymbattaǵan, dep habarlaıdy QazAqparat tilshisi.

Ońtústik óńirde talaı jyl avtojol salasyn basqarǵan tájirıbeli maman, ardager jolshy Maqsat Myrzabaev jol qurylysymen aınalysatyndardyń qandaı qıyndyqqa tap bolǵanyn aıtyp berdi.

Onyń aıtýynsha, jyl basynda bıtýmnyń ár tonnasy 165-170 myń teńge bolsa, qazir 210 myń teńgege bir-aq jetken.

«Túrkistan oblysy Tólebı aýdanyndaǵy «Qazaq bitum» zaýyty bar. Alaıda onyń ónimi óńirge jetpeıdi. Sondyqtan merdiger mekemeler Aqtaýǵa aǵylyp, «Kaspıı bıtým» zaýytynan qymbatqa satyp alýǵa májbúr. Degenmen bul zaýyt ta naryqty tolyq qamtamasyz ete almaıdy. Sonyń kesirinen qurylys qańtarylyp, jóndeý jumystary merziminen keshigedi. Nysandar ýaqytyly paıdalanýǵa berilmeı qalady. Onyń ústine bıtýmnyń birazy kórshiles Ózbekstan, Qyrǵyz Respýblıkalaryna eksporttalatyny jasyryn emes. Іshki naryqty qamtı almaı otyrǵanda bul naǵyz qysastyq,- deıdi tájirıbeli jolshy.

Maqsat Saılaıbaıuly qurylys materıaldarynyń kúrt qymbattaýy merdigerlerge aýyr tıgenin aıtady.

«Kóbisi úlken shyǵynǵa ushyraýda. Óıtkeni 2020-2021 jylǵy ázirlengen qujattardaǵy baǵalar bıyl 20-40% ǵa artqany baıqalady. Sondyqtan tapsyrys berýshiler men merdigerler baǵalardy túzetýge salalyq mınıstrlikke usynys joldaýǵa májbúr. Sondyqtan tıisti mınıstrlikter bul problemaǵa beı-jaı qaramaı, tıisti shara qabyldaýy kerek. Tipti qurylys baǵasyn qalyptastyrý boıynsha qoldanystaǵy zań talaptaryna ózgerister engizý qajet»,- deıdi Maqsat Saılaýbaıuly.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT