Túrkistan oblysynda koronavırýsqa shaldyqqan áıel deni saý bala bosandy

TÚRKІSTAN. QazAqparat - Túrkistan oblysynda COVID-19 indetine shaldyqqan áıel deni saý balany dúnıege ákeldi. Saıram aýdanynyń 25 jastaǵy turǵyny koronavırýs ınfektsııasynyń sımptomsyz túrimen dárigerler baqylaýynda bolǵan, dep habarlaıdy QazAqparat tilshisi.

Júkti kelinshek tolǵaǵy bastalǵanda Saıram aýdandyq ortalyq aýrýhanasyna jetkizilgen. Dárigerler ana men bala ómirine tóngen qaýipke baılanysty, kesar tiligimen bosandyryp alǵan. Der kezinde jasalǵan shuǵyl medıtsınalyq kómektiń arqasynda áıel deni saý qyz balany dúnıege ákeldi. Qazirgi tańda onyń jaǵdaıy qanaǵattanarlyq, perzenthanada dárigerlerdiń baqylaýynda. Mamandar náresteniń de jaǵdaıy jaqsy ekenin aıtýda.

Jalpy, bul Saıram aýdanynda pandemııa bastalǵaly koronavırýs ınfektsııasynyń sımptomsyz túri anyqtalǵan 6-shy júkti áıeldiń bosanýy. Bosanǵan áıelder dertti jeńip, dıspanserlik esepten alynǵan.