+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistan oblysynda komıssııa sheshimimen jumystan bosatylǵan dáriger bólim meńgerýshiligine taǵaıyndaldy

2020 jylǵy 3 shilde 17:13
Bólisińiz:
Túrkistan oblysynda komıssııa sheshimimen jumystan bosatylǵan dáriger bólim meńgerýshiligine taǵaıyndaldy

TÚRKІSTAN. QazAqparat – Túrkistan oblysynda, Keles aýdanynda eńbek daýlaryn qaraý jónindegi komıssııanyń sheshimimen jumystan bosatylǵan hırýrg-dáriger Qaırat Seıdýalıev qaıta aýrýhanaǵa qabyldandy. Abaı aýylyndaǵy Keles aýdandyq aýrýhanasynda júrip, áleýmettik jelige aqparat taratqan dáriger endi Saryaǵash aýdandyq ortalyq aýrýhanasy qabyldaý bóliminiń meńgerýshisi bolyp taǵaıyndaldy, dep habarlaıdy QazAqparat tilshisi.

Uqsas jańalyqtar
«Atyraý-Aqparat» JShS dırektorynyń jańa orynbasarlary taǵaıyndaldy BQO jerdiń paıdalanylýy men qorǵalýyn baqylaý basqarmasyna jańa basshy keldi Dáýren Sábıtov EEK Kólik jáne ınfraqurylym departamentiniń dırektory bolyp taǵaıyndaldy

Oblystyq Qoǵamdyq densaýlyq saqtaý basqarmasynyń málimetinshe, dáriger-hırýrg aýrýhana basshylyǵynyń usynysymen jumysqa qabyldanǵan.

«Buǵan deıin Q.Seıdýalıevke naýqas tarapynan shaǵym túsip, tártiptik jaza alǵan. Sonymen qatar, qyzmettik mindettemeni saqtamaı ózi jumys istep otyrǵan medıtsınalyq mekemege qatysty kereǵar pikirlerdi, Keles aýdandyq aýrýhanasyna qatysty jalǵan aqparattardy áleýmettik jelilerge jarııalap otyrǵan. Sondaı-aq, pandemııa kezinde halyq arasynda medıtsınaǵa degen senimsizdikti kúsheıtýge yqpal etkeni úshin aýrýhananyń sheshimimen jumystan bosatylǵan bolatyn. Qazirgideı qıyn jaǵdaıda medıtsınalyq qyzmetkerleri aýadaı qajet. Búkil eldiń eńsesin túsirgen pandemııamen qıyn kúreste aıanbaı eńbek etip júrgen dárigerler emotsııaǵa berilip, qatelik jasaýy múmkin. Kadr tapshylyǵyn boldyrmaý maqsatynda árbir medıtsına qyzmetkeri memleket úshin asa mańyzdy. Sonymen qatar, Túrkistan oblysynda barlyq aq halatty jandar jumyssyz jáne qoldaýsyz qalmaıdy» delingen Qoǵamdyq densaýlyq basqarmasynyń habarlamasynda.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT