Túrkistan oblysynda karantın talaptaryn buzýshylar azaımaı tur – polıtsııa

TÚRKІSTAN. QazAqparat – Túrkistan oblysynda karantın talaptaryn buzýshylar azaımaı tur, dep habarlaıdy Polisia.kz.

Uqsas jańalyqtar

Almatyda karantın rejımin buzǵandarǵa 3,5 mln teńgege aıyppul salyndy

Batys Qazaqstanda karantındik shekteý sharalary kúsheıtiledi Karantın: Atyraýda kópshilik is-sharany ótkizýge tyıym salyndy Karantın: Shymkentte qoǵamdyq kólikterdiń jumysy shekteldi

Saıtta jarııalanǵan aqparattarǵa qaraǵanda, jaz mezgili kelip, kún ysyǵan saıyn ózen-kólder men kanaldarǵa baryp sýǵa túsýshiler kóbeıedi. Alaıda Túrkistan oblysynyń bas sanıtarııa dárigeri N.Nyshanovtyń qaýlysyna sáıkes, karantın talaptaryn qatań ustaný úshin sonymen birge ár azamat óz densaýlyǵyn saqtaý maqsatynda shomylý maýsymynan ýaqytsha bas tartqany jón.

«Deı turǵanmen búgingi tańda betperdesiz júrgen azamattardan bólek, karantınge baǵynbaı, bas qosý arqyly sýǵa túsip zań buzǵandar sany azaıar emes. Osyndaı olqylyqtardyń aldyn alý jáne boldyrmaý maqsatynda Túrkistan oblysy Polıtsııa departamentine qarasty polıtsııa basqarmalary men bólimderi ornalasqan aýdandarda reıd jumystary kúsheıýde»,-delingen habarlamada.

Máselen, Báıdibek aýdanynyń polıtseıleri reıd kezinde karantın talaptaryna qaramastan, sýǵa shomylyp júrgen 55 azamatty anyqtady. Tártip saqshylary olarǵa QR ÁQBtK-niń 364-babymen hattama toltyrdy.

Dál osyndaı jaıt Saryaǵash aýdanynda da boldy. Saryaǵashtyq saqshylar QR ÁQBtK-niń 364-babymen 69 azamatty ustady. Sondaı-aq olarǵa arnaıy túsindirý jumystary júrgizildi.

Óz kezeginde oblys polıtseıleri indettiń taralýyn boldyrmaý úshin, saqtyq sharalaryn qatań ustanýdy eskertedi.