+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Túrkistan oblysynda karantın rejımin saqtamaǵan birneshe kásipkerlik nysan jabyldy

2020 jylǵy 23 mamyr 23:12
Bólisińiz:
Túrkistan oblysynda karantın rejımin saqtamaǵan birneshe kásipkerlik nysan jabyldy

TÚRKІSTAN. QazAqparat – Túrkistan oblysynyń Bas memlekettik sanıtarııalyq dárigeri Nurbek Nyshanov oblys ortalyǵyndaǵy birqatar áleýmettik mańyzdy nysandarda pandemııaǵa qarsy saqtyq sharalarynyń saqtalmaı jatqanyn anyqtaǵan. Keıbir nysandarda tipti karantınge qatysty qaýly talaptary qadaǵalanbaǵany belgili boldy, dep habarlaıdy QazAqparat tilshisi.

Oblys ákimdiginiń málimetinshe, búginde óńirde koronavırýs ınfektsııasyn 282 adam juqtyrǵan. Ókinishke oraı, óńirde turǵyndar karantın talaptaryn óreskel buzýǵa jol berýde. Máselen, qaýlyǵa sáıkes, qoǵamdyq tamaqtaný oryndaryna tamaq jetkizý qaǵıdatymen ǵana jumys júrgizýge ruqsat berilgen. Alaıda, monıtorıng júrgizý barysynda Túrkistan qalasynyń bazar aýmaǵynda jyldam qyzmet kórsetetin 2 qoǵamdyq tamaqtaný orny jáne káýap daıyndaý pavılony turǵyndardy qabyldap, adamdardyń kóp shoǵyrlanýyna jol bergeni anyqtalǵan. Tekserý qorytyndysymen, kemshilikke jol bergen qoǵamdyq tamaqtaný oryndarynyń jumysyn toqtatý týraly sheshim qabyldandy.

Nurbek Nyshanov shaharda adam kóp shoǵyrlanatyn ortalyq bazar aýmaǵyndaǵy sanıtarlyq ahýaldy da qarap, kásipkerlermen suhbattasty. Maska kıip, arnaıy sanıtaızerlerden ótý arqyly sanıtarlyq talaptardy qadaǵalaý eń aldymen turǵyndardyń qaýipsizdigin qamtamasyz etý úshin qajet ekendigi eskertildi.

Qazirgi tańda oblys aýmaǵynda 121 mobıldi top qaýly talaptarynyń oryndalýyna turaqty monıtorıng júrgizýde. Búginge deıin óńirde 413 nysan tekserilip, túsindirý sharalary júrgizilgen. Mamandar sanıtarlyq talaptardyń saqtalýyna baqylaý júrgizýdi jalǵastyra bermek.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT