+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Túrkistan oblysynda ınsýlt alǵan áıelder ońaltýdan aqysyz ótedi

2019 jylǵy 15 qarasha 11:50
Bólisińiz:
Túrkistan oblysynda ınsýlt alǵan áıelder ońaltýdan aqysyz ótedi

SAIRAM. QazAqparat – Túrkistan oblysy Saıram aýdanynda ınsýlt alǵan áıelderge arnalǵan «Vozrojdenıe» saýyqtyrý kesheni óz jumysyn bastady. Aqsýkent aýylynda ashylǵan ortalyqta naýqas názikjandylar dene jaraqatynan keıin ońaltý jáne qozǵalys qyzmetin qalpyna keltirýdi qajet etetin kómek ala alady, dep habarlaıdy QazAqparat tilshisi.

Uqsas jańalyqtar
Almatyda onkologtar amerıkalyq tehnologııany qoldanyp 5 kúrdeli ota jasady Almatylyq medıtsına uıymdarynyń qyzmetinen 347 mln teńge qaıtaryldy Aqtóbe oblysynda medıtsınalyq kómektiń sapasy jaqsardy – áleýmettik medsaqtandyrý qory

Saýyqtyrý kesheninde emdik dene shynyqtyrý sabaqtary men tirek-qımyl fýnktsııalaryn qalpyna keltirý kýrstary júrgiziledi. Ońaltý jáne qalpyna keltiretin ýqalaý emderi jasalady. Tájirıbeli, bilikti mamandar tirek-qımyl fýnktsııalaryn damytý jáne qalpyna keltirý boıynsha jumys isteıdi, dıetalardyń, aýyz sý ishý rejıminiń saqtalýyn qadaǵalaıdy. Tegin massaj qyzmetterin kórsetedi. Ortalyqta barlyq qajetti saýyqtyrý quraldary, massaj jáne nevropatolog dárigerdiń konsýltatsııasyn alýǵa bolatyn kabınetter bar.



«Áleýmettik kásipkerlikti damytý jónindegi «Áreket» jobasynyń arqasynda óńirlerde qoǵamǵa paıda ákeletin túrli jobalar ashylatyny qýantady. «Vozrojdenıe» saýyqtyrý kesheni - bul árekettegi áleýmettik kásipkerliktiń úlgisi. Birinshiden, ınsýlt alǵan áıelderge kómek kórsetý arqyly áleýmettik problema sheshilýde. Ekinshiden, Qoǵamdyq birlestik aqyly qyzmet kórsetý arqyly qarjylyq turaqtylyqty qamtamasyz ete alady jáne odan ári granttar men áleýmettik tapsyrystarǵa az táýeldi bolady», - dep atap ótti «Samruk-Kazyna Trust» Qorynyń ókili Janar Jaqsylyqova.

Atalǵan joba «Samruk-Kazyna Trust» Áleýmettik jobalardy damytý qory áleýmettik kásipkerlikti damytýǵa baǵyttalǵan «Áreket» jobasy aıasynda júzege asyrylýda. Jobany júzege asyrýdyń 9 aıynda saýyqtyrý kesheni ınsýlt alǵan 30-dan astam áıelderdi qamtıdy dep josparlanýda. Olarǵa kómek tegin kórsetiledi, bul rette halyqtyń áleýmettik osal toptarynyń ókilderine erekshe kóńil bólinedi. Ortalyqta saý áıelder de kómek pen keńes ala alady, olar úshin aqyly qyzmet kórsetiledi. Aıta ketý kerek, «Vozrojdenıe» saýyqtyrý kesheni óz qyzmetterin naryq baǵasynan tómen baǵamen usynady jáne ońaltý, massaj jáne salaýatty ómir saltyn júrgizý boıynsha birneshe baǵyt usynady. Osylaısha, «Vozrojdenıe» saýyqtyrý kesheniniń ashylýynyń arqasynda ınsýlt alǵan áıelderdiń basym bóligi endi óz óńirinde ońaltý qyzmetterin ala alady. Stýdent kezinde ınsýlt alǵan «Vozrojdenıe» jobasynyń úılestirýshisi Nasıba Halhodjaevanyń jeke tarıhy «Generation» Qoǵamdyq birlestigimen birge Saıram aýdanynda saýyqtyrý keshenin qurýǵa negiz boldy. Osylaısha, ol bul faktor saýyqtyrý keshenin qurýdyń negizi bolǵanyn aıtady.


«Men aýyryp, onymen kúresken kúnder men aılar ómirimdegi eń qorqynyshty sát boldy. Biraq bul kúrdeli joldan ótip, keıinnen ana atanyp, qýanyshqa keneldim, eń bastysy - osyndaı ómirlik jaǵdaıǵa tap bolǵan áıelderge kómeskim keletinin jáne kómektese alatynymdy túsindim. Bizdiń «Vozrojdenıe» jobasy osylaı dúnıege keldi», - deıdi Nasıba Halhodjaeva.


Naýqas kelinshekter qosymsha aqparat alý úshin kelesi nómirler arqyly habarlasýǵa bolady: + 7 778 556 06 99
Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT