+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Túrkistan oblysynda halyqtyq-keńsege sheteldik nómirleri bar 80-nen astam kólik  ıesi júgindi

2020 jylǵy 19 qańtar 12:40
Bólisińiz:
Túrkistan oblysynda halyqtyq-keńsege sheteldik nómirleri bar 80-nen astam kólik  ıesi júgindi

TÚRKІSTAN. QazAqparat - 17-18 qańtar aralyǵynda Túrkistan oblysy polıtsııa departamentine qarasty halyqtyq-keńselerde eki kún boıy «Jolda qabyldaý» respýblıkalyq aktsııasy ótti, dep habarlaıdy QazAqparat óńirlik PD baspasóz qyzmetine silteme jasap.

Eki kún ishinde polıtseılerge 2 myńnan astam kelýshi óz suraqtaryn qoıdy, onyń ishinde 300-den astam suraq Polıtsııa departamentiniń áleýmettik jelidegi resmı paraqshalaryna tústi. «Jolda qabyldaý» aktsııasy onlaın-rejimde de kórsetilip otyrǵandyqtan, jeli paıdalanýshylarynyń mamandardan tikeleı efırde keńes alýyna tolyq múmkindik boldy.

Atalmysh respýblıkalyq aktsııaǵa Túrkistan oblysy PD-niń bastyǵy polıtsııa general-maıory Qaırat Dálbekov, Ákimshilik polıtsııa basqarmasynyń bastyǵy polıtsııa polkovnıgi Almas Tastanbekov, ákimshilik tájirıbe mamandary, salyq organdary men buqaralyq aqparat quraldarynyń ókilderi qatysty. Kelýshilerdiń qoıǵan saýaldarynyń basym bóligi shetelden ákelingen kólik quraldaryn tirkeý, oǵan tólenetin kedendik bajdar men basqa da tustary boldy.

Mysaly, aktsııa kezinde Túrkistan oblysy PD janyndaǵy halyqtyq-keńsege sheteldik memlekettik nómirleri bar 80-nen astam avtokóliktiń ıesi júgindi. Buǵan deıin olar «sheteldik memlekettik nómirlerimen» avtokólikterdi satyp alǵan. Mamandar azamattarǵa kólik quraldaryn tirkeý tártibi men erejelerin egjeı-tegjeıli túsindirdi. Óz kezeginde polıtsııa qyzmetkerleri tirkeý máseleleri boıynsha avtokólik ıelerine qajetti keńesterin berdi.

Polıtsııa general-maıory Q. Dálbekov atap ótkendeı, «aktsııa kezinde azamattardy qyzyqtyratyn máseleler keńinen talqylandy. Olar shetelden ákelingen kólik quraldaryn rásimdeý tártibimen tanysty. Osylaısha, Qyrǵyzstan men Armenııadan ákelingen kólik quraldaryna kedendik rásimderden ótý, Salyq kodeksinde kórsetilgen alymdar men bajdardy tóleý tártibi júzege asyrylatyny, Reseı Federatsııasy men Belarýsten kelgen kólik quraldarynyń buǵattaýǵa qarsy tejegish júıesi, qaýipsizdik jastyqtary, bekitý júıesi, kúndizgi júris jaryqtary bolýy tıistigi aıtyldy. Kelýshilerge barlyq zańnama normalary boıynsha keńester berildi».

«Jolda qabyldaý» aktsııasy barysynda azamattar kólik aıyppuldarynyń bar-joǵy jáne tólemi týraly aqparattardy da ala aldy. Sonymen qatar polıtsııaǵa qatysty saýaldary men máselelerin sheshý úshin ákimshilik, kóshi-qon jáne jergilikti polıtsııa qyzmetkerleriniń kómegine júgindi.


Bizdiń kanalymyzǵa jazylyńyz:

Basty sózder: Túrkistan oblysy, QR ІІM, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT