+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Túrkistan oblysynda eldi mekenderdi aýyz sýmen qamtýǵa 13,7 mlrd teńge qarastyrylǵan

2020 jylǵy 14 aqpan 22:43
Bólisińiz:
Túrkistan oblysynda eldi mekenderdi aýyz sýmen qamtýǵa 13,7 mlrd teńge qarastyrylǵan

TÚRKІSTAN.QazAqparat – Túrkistan oblysyndaǵy aýdan-qala men aýyl ákimderi jergilikti jerlerde turǵyndardyń ózekti máselelerin sheshý úshin jumys atqarýlary tıis.

Uqsas jańalyqtar
Túrkistan oblysy boıynsha shekteý sharalary kúsheıtildi ShOB sýbektileri qandaı salyqtardan bosatyldy «Qarapaıym zattar ekonomıkasy» baǵdarlamasyn qarjylandyrý 1 trln teńgege deıin ulǵaıtyldy

Búgin el aldynda esep bergen oblys ákimi Ómirzaq Shókeev jergilikti ákimderdi óz jumystaryn pysyqtaýdy tapsyrdy, dep habarlaıdy QazAqparat tilshisi.

Aımaq basshysy eldi mekenderde ınfraqurylymdy damytý, jol jóndeý, gaz, aýyz sý, álektrmen jáne turǵyn úımen qamtamasyz etý jumystaryn júrgizý – turǵyndardyń ómir súrý sapasyn jaqsartýdyń birden-bir joly dep atap ótti.

«Osynyń negizinde oblys kóleminde eldi mekenderdi aýyz sýmen qamtamasyz etý maqsatynda 103 nysannyń qurylysyna 13,7 mlrd teńge qarastyryldy. Bólingen qarjyǵa sý qubyry múldem joq 43 eldi mekenge jańa aýyzsý qubyrlary salyndy. Oǵan dálel Keńes zamanynan beri ortalyqtandyrylǵan aýyz sý júıesi salynbaǵan Sozaq aýdanyndaǵy 5 eldi mekenge, Shardara aýdanyndaǵy 5 eldi mekenge aýyzsýmen qamtý boıynsha qurylys jumystary júrgizildi. Sondaı-aq, 12 eldi mekenniń tozyǵy jetken aýyzsý júıeleri jańartyldy. Nátıjesinde, qamtý deńgeıi 80%-dan astam nemese 671 eldi meken aýyzsýmen qamtamasyz etildi»,- dedi Ómirzaq Shókeev.

Óńir basshysynyń sózinshe, aǵymdaǵy jylǵa 45 nysannyń qurylysyna 15 mlrd teńgeden astam qarjy baǵyttalyp otyr. Jyl qorytyndysy boıynsha sý qubyrymen qamtylmaǵan 26 eldi mekendi jańa aýyz sý júıelerimen qamtyp, 12 eldi mekendegi tozyǵy jetken sý qubyrlaryn qaıta jańartý mejelenip otyr.

«Búgingi kúnge, Túrkistan qalasynyń nebári 16% ǵana káriz júıesimen qamtylǵan. Qalanyń ekologııalyq jaǵdaıyn jaqsartý maqsatynda jan-jaqty taldaý jumystary júrgizilip, qalany 2024 jylǵa deıin 100% káriz júıesimen qamtamasyz etetin 10 nysannyń jobasyn ázirlep, keshendi josparǵa engizildi. Tabıǵı gazben qamtý boıynsha 2019 jyly 54 tabıǵı gaz nysanynyń qurylysyna 19 mlrd teńgeden astam qarjy baǵyttalyp, jyl boıyna 34 nysannyń qurylys-montajdaý jumystary aıaqtalatyn bolady. Óz kezeginde Ordabasy aýdany Temirlan eldi mekeni, Maqtaaral aýdany, Jambyl eldi mekeni, Saryaǵash aýdanyndaǵy Kóktóbe, Telemunara móltek aýdany kógildir otynǵa qol jetkizdi. Nátıjesinde, 412 eldi meken (48,9 %) nemese 1 mln 109 myńǵa jýyq adam (56,7%) tabıǵı gazben qamtyldy»,- dedi Ómirzaq Estaıuly.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT