Túrkistan oblysynda ekstremızm men terrorızmniń aldyn alý taqyrybynda trenıng ótti

TÚRKІSTAN. QazAqparat - Túrkistan oblysynda ekstremızm men terrorızmniń aldyn alý taqyrybynda trenıng ótti. Oblystyq prokýratýranyń uıymdastyrýymen ótken semınarǵa oblys kólemindegi orta mektepterde dintaný páninen sabaq beretin 800-den astam muǵalim qatysty, dep habarlaıdy QazAqparat tilshisi.

Ustazdardyń biliktiligin kóterý maqsatynda ótken «Dinı qatynastar salasyndaǵy radıkaldyq ıdeologııaǵa qarsy ımmýnıtetti qalyptastyrý» semınary onlaın rejımde ótti.

Muǵalimderdiń rýhanı jańǵyrý aıasynda dinı saýattylyǵy men olardyń biliktilikterin arttyrýǵa baǵyttalǵan bul trenıng - olardyń dástúrli qundylyqtardy nasıhattaýynda da mańyzdy rólge ıe bolady.

Іs-shara barysynda belgili ǵalymdar men teolog mamandardyń lektsııalary tyńdalyp (D.Kenjetaı - fılosıfııa jáne teologııa ǵ.d., professor, M.Halyqov - «Din máselelerin zertteý ortalyǵy» KMM-i dırektorynyń orynbasary, dintanýshy, M.Tashımov «Innovatsııalyq bilim berý ortalyǵy» dırektorynyń orynbasary, dintanýshy-teolog), dinı ahýaldy jaqsartý tetikteri qaraldy.Semınar qorytyndysynda dindi destrýktıvti maqsatta paıdalanýshy toptardyń teris ıdeologııalaryna tosqaýyl qoıý arqyly qoǵamda kereǵar aǵymdarǵa qarsy turatyn biryńǵaı ımmýnıtet qalyptastyrý jóninde tıisti baǵyt-baǵdar berildi.Atalǵan trenıng oblys óńirinde birinshi ret ótkizilgenine oraı mektep muǵalimderi ony ońdy nátıje retinde qabyldap, aldaǵy ýaqytta da jıi ótkizýdi jáne oqýshylar arasynda da osy trenıngke uqsas semınarlar ótkizý sııaqty birneshe usynystar aıtty. Sonymen qatar aqparattyq materıaldarmen qamtamasyz etý maqsatynda «Dinı ekstremızm men terrorızmniń jáne kereǵar aǵymdardyń qoǵamǵa zııany» taqyrybynda 860 kitapshalar shyǵarylyp, muǵalimderge taratyldy.