+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistan oblysynda eki adamdy qaǵyp, oqıǵa ornynan qashyp ketken júrgizýshi ustaldy

2020 jylǵy 15 shilde 10:24
Bólisińiz:
Túrkistan oblysynda eki adamdy qaǵyp, oqıǵa ornynan qashyp ketken júrgizýshi ustaldy

TÚRKІSTAN. QazAqparat - Túrkistan oblysynda polıtseıler eki adamdy qaǵyp, jol-apatyn jasap, oqıǵa ornynan qashyp ketken júrgizýshini ustady, dep habarlaıdy QazAqparat Polisia.kz-ke silteme jasap.

Uqsas jańalyqtar

Báıdibek APB-niń kezekshi bólimine túngi ýaqytta Shardara aýdanynyń turǵyny aryzdanyp, Shymkent-Samara tas jolynyń boıynda belgisiz kólik olardy qaǵyp ketip, janyndaǵy seriktesi mert bolǵanyn habarlaıdy.

Polıtseıler júrgizýshi men onyń kómekshisi jol jıeginde buzylyp turǵan «VAN Hool» markaly jolaýshy tasymaldaıtyn avtobýs kóliginiń aqaýyn tekserip turǵanyn, osy ýaqytta «Gaz-53″ markaly mashınasy buzylyp turǵan avtobýsty janamalaı soǵyp, odan keıin bulardy qaǵyp, jol-kólik oqıǵasyn jasaǵany belgili boldy. Kináli júrgizýshi oqıǵa ornynan boı tasalap, qashyp ketken. Saldarynan avtobýstyń júrgizýshisi jeńil dene jaraqattaryn alsa, onyń kómekshisi oqıǵa ornynda qaza bolǵan.

Bul jol-kólik oqıǵasy Báıdibek APB-ne Qazaqstan Respýblıkasy QK-niń 345-babynyń 3-bóligimen jáne QR QK-niń 347-babymen tirkelip, qylmystyq is qozǵalyp, tergep-tekserý amaldary bastaldy. ​​​​​​Jol-kólik oqıǵasyna qatysy bar jasyrynǵan júk kóligi men onyń júrgizýshisin ustaý maqsatynda Báıdibek aýdandyq polıtsııa bólimi qyzmetkerlerimen jedel-izdestirý is-sharalar kesheni júrgizildi. Nátıjesinde Saıram aýdanyndaǵy jóndeý jumystaryn júrgizetin oryndardyń birinen tabylyp, bul júk kóliginiń jol-kólik oqıǵasyna tikeleı qatysy bary dáleldendi. Sodan atalǵan avtokólikti jóndeýge qaldyryp ketken kúdiktiniń jeke-basy anyqtaldy, ol Saıram aýdanynyń turǵyny bolyp shyqty. Tekserý barysynda kúdikti adam ólimine soqtyrǵan jol-kólik oqıǵasyn jasap, oqıǵa ornynan boı tasalaǵanyn tolyq moıyndady. Kúdikti qamaýǵa alynyp, onyń júk kóligi aıypturaqqa qoıyldy. Qazirgi tańda qylmystyq is boıynsha avtokólikke tıisti saraptamalar taǵaıyndalyp, sotqa deıingi tergep-tekserý amaldary júrgizilip jatyr.​​​

Túrkistan oblysynyń polıtseıleri jol qozǵalysyna qatysýshylarǵa jolda abaı bolýǵa jáne jol qaýipsizdigi erejesin buzbaýǵa, jyldamdyqty asyrmaýǵa, qashyqtyqty saqtaýǵa, al jol-kólik oqıǵasy bolǵan jaǵdaıda oqıǵa ornynan ketpeýge keńes beredi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT