Túrkistan oblysynda bıyl 54 myń bala mektepke alǵash ret barady
2022 jylǵy 15 tamyz 22:30

Túrkistan oblysynda bıyl 54 myń bala mektepke alǵash ret barady

TÚRKІSTAN. QazAqparat – Bıyl Túrkistan oblysyndaǵy 961 mektepte 510 myńnan astam bala bilim alady. Al, 1-synypqa 54 570 oqýshy qabyldanady, dep habarlaıdy QazAqparat tilshisi.

Búginde óńirde jańa oqý jylyna daıyndyq barysy úlken qarqynmen júrip jatyr. Áleýmettik osal toptaǵy otbasy balalaryn mektep formasymen jáne mektep quraldarymen qamtamasyz etý úshin oblystyq bıýdjetten 1,9 mln teńge qarjy bólindi.

«Qarjy 52 myńnan astam balanyń ata-analarynyń esepshottaryna aýdarylady. Ár balaǵa 35 275 teńge belgilendi. Budan bólek, «Mektepke jol» respýblıkalyq aktsııasy aıasynda 568 balaǵa jalpy 12,5 mln.tg demeýshiler tarapynan materıaldyq kómek berildi. Shara qyrkúıek aıynyń aıaǵyna deıin jalǵasady» - deıdi, oblystyq adamı áleýetti damytý basqarmasynyń basshysy Dinıslam Bolathanuly.

Jyl sońyna deıin oblysta taǵy 16 mekteptiń qurylysy aıaqtalady. Sondaı-aq, óńirde salynyp jatqan jekemenshik mektepter bar. Olardyń da sany 56 –ǵa jetip otyr. Oblys bıýdjeti men «Aýyl-El besigi» baǵdarlamasy aıasynda 32 mektepti kúrdeli jóndeýden ótkizý úshin 4 012,7 mln teńge qaralǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT