+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Túrkistan oblysynda bilim salasyndaǵy jemqorlyq máselesi talqylandy

2021 jylǵy 4 naýryz 02:00
Bólisińiz:
Túrkistan oblysynda bilim salasyndaǵy jemqorlyq máselesi talqylandy

TÚRKІSTAN. QazAqparat - Túrkistan oblysynda bilim berý ordalarynda sybaılas jemqorlyq áreketterdiń deńgeıin tómendetý men osy baǵyttaǵy quqyqbuzýshylyqtardyń aldyn alý maqsatynda kezdesý ótti. Sybaılas jemqorlyqqa qarsy is-qımyl agenttigi óńirlik departamentiniń bastamasymen ótken kezdesýge bilim berý uıymdarynyń basshylary qatysty, dep habarlaıdy QazAqparat tilshisi.

Uqsas jańalyqtar
Almatyda sybaılas jemqorlyqqa qarsy is-qımyl jónindegi komıssııanyń otyrysy ótkizildi Atyraýda oblystyq basqarma basshysy 2 mln 917 myń teńge aıyppul tóleıdi Memleket basshysy sybaılas jemqorlyqqa qarsy is-qımyl jóninde keńes ótkizdi

Bilim berý salasyndaǵy ózekti máseleler qaralǵan alqaly jıynda departament basshysynyń birinshi orynbasary Mıras Qarǵabaı men Adamı áleýetti damytý basqarmasynyń basshysy Raqymbek Jolaev jáne aýdan-qalalyq bilim bólimderiniń basshylary sóz sóılep, óz usynys pikirlerin ortaǵa saldy.

Sharada sóz alǵan Mıras Qarǵabaı óńirde aldyn alý jumystarynyń júıeli túrde júrgizilip jatqandyǵyna qaramastan, bilim bólimderi oblystyq basqarmanyń qaramaǵyna ótýine baılanysty qujattardy rásimdeý, antıseptık alý, olımpıadadan júldeli oryndardy sarapqa salý, attestattaýdan ótkizý máselelerinde túıitkil baryn, sondaı-aq bilim salasynda júrgiziletin tekserýlerde muǵalimderden júıeli túrde qarjy jınaý derekteri jıilegenin jetkizdi. Budan bólek, kadr máselesin sheshý, sertıfıkat pen dıplom berý, memlekettik baǵdarlamalarǵa qarastyrylǵan qarjyny talan-tarajǵa salý, memlekettik satyp alýdy ótkizý barysynda da jemqorlyq kórinisteri oryn alyp otyrǵanyn atap ótti. Atalǵan derekter agenttiktiń táýlik boıy tegin qyzmet kórsetetin 1424 call ortalyǵyna 2020 jyly Túrkistan oblysy aýmaǵynan kelip túsken 21 shaǵymnyń negizinde málim bolǵandyǵyn baıandady.

Sonymen qatar birqatar qala-aýdandardyń bilim berý mekemelerinde oryn alǵan quqyqbuzýshylyqtarǵa aıryqsha toqtalyp ótti. Jıyn barysynda Memleket basshysy qol qoıǵan zańdaǵy tolyqtyrýlar men jańashyldyqtar ortaǵa salynyp, ótken jyldyń ózinde departament bilim berý salasynda 29 qylmystyq quqyq buzýshylyq deregin tirkegeni sóz boldy. Soǵan sáıkes, departamenttiń bastamasymen qala-aýdandyq bilim bólimderiniń basshylaryna zańsyz aqsha jınaý derekterine, atap aıtsaq bilim berý mekemelerine jóndeý júrgizý, qural-jabdyqtar satyp alý, nysandardy tazalaý, oqytýshylar quramyna syılyqtar men merekelik is-sharalardy ótkizýge májbúrli túrde qarajat jınaýǵa tyıym salý tapsyryldy.

Budan bólek, bilim berý salasynda beleń alǵan jemqorlyqty joıý úshin QR Prezıdenti Ákimshiligimen eń úzdik júıe dep tanylǵan «JJumis.sitcen.kz Túrkistan óńirinde qolǵa alynyp, búginde jalpy orta bilim berý uıymdarynyń pedagogtaryn jumysqa qabyldaý men mektep dırektorlaryn konkýrstyq taǵaıyndaý barysy avtomattandyrylǵany málimdeldi.

Jıyn sońynda jemqorlyqtyń aldyn alý qarqynyn arttyrý maqsatynda agenttiktiń Túrkistan oblysy boıynsha departamenti men atalǵan basqarma birlese otyryp, aldaǵy ýaqytta sybaılas jemqorlyq táýekelderine syrtqy taldaý jumystaryn júrgizetini jáne belgili bir merzimge qurylǵan naqty jospardyń aıasynda aýqymdy sharalar atqaratyny atap ótildi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT