+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Túrkistan oblysynda bilim salasyna bir jylda 270 mlrd teńge bólingen - ákim

2020 jylǵy 15 aqpan 06:41
Bólisińiz:
Túrkistan oblysynda bilim salasyna bir jylda 270 mlrd teńge bólingen - ákim

TÚRKІSTAN.QazAqparat – Túrkistan oblysynda turǵyndardyń sapaly bilim alyp, medıtsınamen qamtylýy jáne salaýatty ómir saltyn ustaný úrdisin damytý maqsatynda aýqymdy jumys atqarylýda. Bul týraly oblys ákimi Ómirzaq Shókeev málim etti, dep habarlaıdy QazAqparat tilshisi.

Uqsas jańalyqtar
Ómirzaq Shókeev qurylysy bıyl aıaqtalatyn nysandardy aralady

Aımaq basshysynyń sózinshe, óńirde ótken jyly bilim salasyna 270 mlrd teńge kóleminde qarjy bólingen. Jańadan 5 315 balaǵa arnalǵan 120 mektepke deıingi bilim berý uıymy ashylyp, bul oblystaǵy 3 jastan 6 jasqa deıingi balalardy balabaqshamen 100% qamtýǵa múmkindik bergen.

«2019 jyly 25,4 mlrd teńgege 68 bilim nysanynyń qurylysy júrgizilip, jyl qorytyndysymen 26 bilim nysany iske qosyldy. Onyń ishinde apatty 2 jáne úsh aýysymdy 3 mekteptiń máselesi sheshildi. Elbasy tarapynan oblysymyzdyń bilim salasyndaǵy sybaılas jemqorlyq máseleleri qatań synǵa alynǵan bolatyn. Óńirdegi bilim salasyndaǵy sybaılas jemqorlyq qaýpin joıý maqsatynda «Smart.Nation» portaly arqyly balalardy balabaqshaǵa, mektepke jáne bilim salasy qyzmetkerlerin jumysqa qabyldaý sharalary tolyq avtomattandyryldy. 2020 jyly oqýshylardy qosymsha bilim jáne úıirmemen qamtýdy 70 paıyzǵa jetkizý maqsatynda 11 aýdanda «Oqýshylar úıleri» men oblys ortalyǵynan zamanaýı úlgidegi «Oqýshylar saraıy» ashylady»,- dedi Ómirzaq Shókeev.

Oblys ákiminiń sózinshe, 2020 jyly 47 bilim nysanynyń qurylysyna bıýdjetten 11,5 mlrd teńge qarjy qarastyrylǵan. Al, densaýlyq saqtaý salasyna 20,3 mlrd teńge baǵyttalǵan.

«Onyń 6,1 mlrd teńgesine 9 nysanǵa qurylys jumystary júrgizilip, 8 nysan jyl qorytyndysymen paıdalanýǵa tapsyryldy. Sonymen qatar, 2019 jyly Túrkistan qalasyndaǵy perınataldyq ortalyqqa qosymsha salynǵan 150 oryndyq korpýstyń ǵımaraty paıdalanýǵa berildi. Budan bólek, 570 mln teńgege shalǵaı eldi mekenderde 19 medıtsınalyq tirek paıdalanýǵa berildi. Oblys turǵyndary emhananyń aldyn alý sharalarynan bólek, jedel járdemniń kómegine muqtaj. Osy baǵytta jedel járdem qyzmetine 48 sanıtarlyq avtokólik satyp alynyp, halyq ıgiligi úshin tapsyryldy»,- dedi Ómirzaq Shókeev.

Nátıjesinde 2019 jyldyń qorytyndysymen densaýlyq saqtaý salasynyń negizgi kórsetkishteri, atap aıtqanda ana jáne náreste ólim-jitiminiń kórsetkishteri 13,1%-ǵa, týberkýlezden bolatyn ólim-jitim kórsetkishi 33,3%-ǵa tómendegen.

«Túrkistan qalasy oblys ortalyǵy statýsyna ıe bolýyna baılanysty densaýlyq saqtaý salasyna aıryqsha kóńil bólinip, birinshi kezekte qajetti nysandar qurylysyn júrgizýdi josparlap otyrmyz. 2020-2021 jyldary oblystyq kópbeıindi 630 oryndyq medıtsınalyq ortalyqtyń, oblystyq balalar aýrýhanasyna qosymsha 190 tósekke arnalǵan emdeý korpýsynyń, №1 qalalyq emhanasynyń, Sımýlıatsııalyq ortalyqtyń qurylysy júrgiziledi»,- dedi Ómirzaq Shókeev.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT