+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Túrkistan oblysynda bazarlar men qoǵamdyq tamaqtaný oryndary demalys kúnderi jabylady

2021 jylǵy 21 shilde 18:21
Bólisińiz:
Túrkistan oblysynda bazarlar men qoǵamdyq tamaqtaný oryndary demalys kúnderi jabylady

TÚRKІSTAN. QazAqparat - Túrkistan oblysynda demalys kúnderi karantındik shekteý sharalary kúsheıtiledi. Bul týraly búgin Óńirlik kommýnıkatsııalar qyzmetinde ótken brıfıngide oblystyq sanıtarııalyq–epıdemıologııalyq baqylaý departamenti basshysynyń orynbasary Baqtyoraz Elemesov málimdedi, dep habarlaıdy QazAqparat tilshisi.

Uqsas jańalyqtar
Qyzylorda oblysynda 3 607 nysan «Ashyq» júıesine qosylǵan Aqtóbede úılený toılary men saýyq keshi toqtamaı tur Nur-Sultanda jastarǵa arnalǵan qyzmet kórsetý ortalyqtary ashylady

Baqtyoraz Elemesovtyń aıtýynsha, oblys epıdemıologııalyq baǵalaý matrıtsasy boıynsha sary aımaqqa enýine baılanysty senbi jáne jeksenbi kúnderi óńirdegi barlyq qoǵamdyq tamaqtaný oryndary, banket zaldary men jazǵy alańdardyń jumys isteýine shekteý qoıylǵan. Sondaı-aq, «Ashyq» jobasyna qatysqanyna qaramastan balalar oıyn alańdary, sulýlyq salondary, týrıstik nysandar, demalys úıleri men basseınder óz jumysyn toqtatady.

«Oblystyq Bas memlekettik sanıtarııalyq dárigeriniń Qaýlysyna sáıkes, demalys kúnderi qoǵamdyq kólik, balalar oıyn alańdary, attraktsıondar, batýttar, sulýlyq salondary, týrıstik bazalar, demalys úıleri, basseınder, monsha, saýnalar, oblysaralyq jáne qalalyq turaqty emes tasymaldar, kompıýterlik klýbtar, karaoke boýlıng ortalyqtary da qyzmet kórsetpeıdi. Demalys kúnderi jumysyn toqtatatyndardyń qatarynda ashyq jáne jabyq bazarlar da bar. Osy rette óńirde vaktsına saldyrý boıynsha áli de ujymdyq ımmýnıtet qalyptasa qoımaǵanyn aıtqym keledi», – dedi B.Elemesov.

Sondaı-aq jańa qaýlyǵy sáıkes, demalys kúnderi qoǵamdyq kólik tasymaly toqtatylyp, ashyq jáne jabyq bazarlardyń jumysyna tyıym salynady. Jańa qaýly 22 shilde kúninen bastap kúshine enedi. Al, vaktsınalaý boıynsha menshik nysanyna qaramaı óńirdegi barlyq ujym basshylary óz qyzmetkerleriniń 10 tamyzǵa deıin ekpeniń 1-shi dozasyn, al 1 qyrkúıekke deıin 2-shi komponentin alýdy uıymdastyrý tapsyryldy.

«Densaýlyǵy bola tura koronavırýsqa qarsy ekpeni almaǵan azamat kózbe-kóz, ıaǵnı oflaın rejımdegi jumystan shettetiledi. Bul eń aldymen ózińizdiń jáne aınaladaǵy adamdardyń densaýlyǵyna qaýip tóndirmeý maqsatynda elimiz boıynsha barlyq óńirde júzege asyrylyp jatqan jalpyǵa birdeı ereje. Óńirde vaktsına saldyrý qarqynyn áli de kúsheıtip, ujymdyq ımmýnıtet qalyptastyrý kerek. Buny el prezıdentinen bastap, úkimet barlyǵy osy baǵytta jumys istep otyr»,- dedi Baqtyoraz Elemesov.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT