+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Túrkistan oblysynda avtojoldardy qysqa daıyndaý jumysy pysyqtaldy

2019 jylǵy 23 qazan 14:53
Bólisińiz:
Túrkistan oblysynda avtojoldardy qysqa daıyndaý jumysy pysyqtaldy

TÚRKІSTAN. QazAqparat - Túrkistanda oblystyq jolaýshylar kóligi jáne avtomobıl joldary basqarmasyna qarasty «Ońtústik joldary» MKK mamandarynyń qatysýymen qys mezgilinde oblystyq mańyzy bar avtomobıl joldaryn kútip ustaý týraly jıyn ótti. Bul jóninde óńirlik kommýnıkatsııalar qyzmetine silteme jasap QazAqparat habarlaıdy.

Uqsas jańalyqtar
Jol jaǵdaıyn baqylaýǵa arnalǵan qosymsha 2020 jyly iske qosylady Avtojoldarda kóktaıǵaqty boldyrmaýdyń jańa tásilderi engizilmek SQO ákimi joldardy jóndeýge beriletin kepildikti 5 jylǵa deıin uzartýdy usyndy

Basqosýda qysqy kezeńde avtojoldardy kútip ustaý boıynsha atqarylyp jatqan jáne qolǵa alynatyn jumystar jaıy pysyqtaldy.

Aıta keterligi, Túrkistan oblysynyń aýmaǵyndaǵy oblystyq mańyzy bar avtomobıl joldarynyń jalpy uzyndyǵy - 4152,34 shaqyrym. Bul joldardyń 1943,3 shaqyrymy - birinshi kezekte qardan tazalanyp, ınertti materıal sebiletin joldar bolsa, onyń 434 shaqyrymy - taýly aımaqtarda qalyń qar basyp qalý qaýpi joǵary aımaqtar.


«Aldaǵy ýaqytta oblystyq mańyzy bar avtomobıl joldaryn qysqy merzimde kútip ustaý jumystaryna 300-ge jýyq adam jumyldyrylady. Al turaqty tehnıkalar sany - 138. Budan bólek, Báıdibek, Sozaq, Túlkibas, Saıram jáne Tólebı aýdandary taýly aımaq sanalǵandyqtan, qar kóp jaýǵan kezeńde qajettiligine qaraı atalǵan aýdandarǵa qosymsha kómekke 40-qa jýyq arnaıy tehnıka tartylmaq. Barlyq tehnıka tolyǵymen jumys isteýge daıyn. Arnaıy tehnıkalar janar-jaǵarmaı otynymen qamtamasyz etilip, 1075 dana «Taıǵaq jol» eskertýshi jol belgisi ornatylǵan. Sondaı-aq, mamandar ınertti materıaldarmen (tuz, qum) 85 paıyz qamtylǵan. Qalǵan bóligi qazan aıynyń sońyna deıin tolyq ázirlenedi» delingen habarlamada.


Oblys aýmaǵyndaǵy qar basyp qalý yqtımaldyǵy joǵary Báıdibek aýdanynda «Shybyqbel», «Odamanbulaq» jáne Sozaq aýdanynda «Aysaı», «Odamanbulaq-2» jylytý beketteri ornalasqan. Jylytý beketteri tósek-orynmen, 60 tonna kómirmen qamtamasyz etilip otyr. Joǵaryda atalǵan jylytý beketterindegi otyn sol jerdi jyly ustaýǵa tolyq jetkilikti. Táýlik boıyna kezekshi uıymdastyrylǵan. Jylytý beketteri bir mezgilde 60-70 adamdy qabyldaı alady. Azyq-túlikpen qamtamasyz etý aýdan, qala ákimdikterine zań talaptaryna sáıkes júktelgen.


Jıyn qorytyndysy boıynsha qarasha aıynyń 1-ne deıin qys mezgilinde oblystyq mańyzy bar avtomobıl joldaryn kútip ustaý boıynsha daıyndyq jumystaryn aıaqtaý tapsyryldy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT