Túrkistan oblysynda «Aýyl - el besigi» aıasynda 100-den asa joba júzege asady

2019 jylǵy 5 qyrkúıek 13:13

Bólisińiz:

Túrkistan oblysynda «Aýyl - el besigi» aıasynda 100-den asa joba júzege asady

TÚRKІSTAN. QazAqparat – Túrkistan oblysynda «Aýyl - el besigi» jobasy aıasynda 100-den asa joba júzege asady. Bul týraly Túrkistan oblysynyń ákimi Ómirzaq Shókeev QR Prezıdenti Joldaýyn iske asyrýǵa arnalǵan oblys aktıvynyń jıynynda málimdedi, dep habarlaıdy QazAqparat tilshisi.

Uqsas jańalyqtar

Aýyl - el besigi: Kúrshim aýdanynda 10 aýyl taza aýyz sýmen qamtyldy

Oblys ákiminiń sózinshe, Elbasy tapsyrmasyna sáıkes, óńirde atalǵan joba qarqyndy júzege asýda.

«Bıyl aımaqta 7 eldimekenniń máselesin sheshýge 4 mlrd teńge baǵyttaldy. Nátıjesinde, 112,8 shaqyrym jol tóselip, 7 bilim, 1 sport jáne 5 mádenıet nysany jóndeýden ótedi. Sondaı-aq, joba aıasynda 2020 jyly 15 eldimekende 114 jobany iske asyrýǵa 4,8 mlrd teńge baǵyttaý josparlanýda», - dedi Ómirzaq Shókeev.

Budan ózge, oblys basshysy «Dıplommen aýylǵa» jobasy aıasynda 1 729 mamanǵa 307 mln-nan astam teńge birjolǵy kóterme járdemaqyǵa baǵyttalatynyn atap ótti. Sonymen qatar, joba boıynsha turǵyn úı satyp alý, nemese salý úshin bıýdjettik kredıtter berýge 3,8 mlrd teńge bólý josparlanyp, nátıjesinde 356 maman baspanaly bolady dep kútilýde.

Al, «Nurly jer» memlekettik turǵyn úı qurylysy baǵdarlamasy boıynsha 3 413 páterli, 64 turǵyn úıdiń (231 myń sharshy metr) qurylysy júrip jatyr. Jyl sońyna deıin 2 613 páter paıdalanýǵa berilmek.

Bizdiń kanalymyzǵa jazylyńyz:

Basty sózder: Túrkistan oblysy, Aýyldyq aýmaqtardy damytý, Aýyl sharýashylyǵy, Dıplommen aýylǵa, Nurly jer baǵdarlamasy,

Bólisińiz: