+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Túrkistan oblysynda ana men bala quqyǵy basty nazarǵa alynǵan

2019 jylǵy 15 qazan 13:13
Bólisińiz:
Túrkistan oblysynda ana men bala quqyǵy basty nazarǵa alynǵan

TÚRKІSTAN. QazAqparat – «Nur Otan» partııasy janyndaǵy Bala quqyqtaryn qorǵaý jónindegi respýblıkalyq keńestiń ókilderi Túrkistan oblysyna kelip, jaýapty jumys toby mamandarynyń qatysýymen jıyn ótkizdi. Jıyndy Túrkistan oblysy ákiminiń orynbasary Sáken Qalqamanov júrgizip otyrdy, dep habarlaıdy QazAqparat tilshisi.

Uqsas jańalyqtar
Qazaqstanda kámeletke tolmaǵan balalardy jumysqa salǵandar anyqtaldy Arýjan Saın: Ár balanyń kem degende eki úıirmege bara alatyn múmkindigi bolýy kerek Keleste jasóspirimderdiń ýaqytyn tıimdi ótkizý máselesi talqylandy

Basqosýda balalar quqyǵyn qorǵaý salasyndaǵy baıandamalar men esepter tyńdalyp, ózekti máseleler talqylandy. «Nur Otan» partııasy janyndaǵy bala quqyqtaryn qorǵaý keńesiniń múshesi, toptyń konsýltant-jetekshisi Rysty Jumabekova bul jumys saparynyń maqsatyna toqtaldy. Onyń aıtýynsha, arnaıy top óńirdegi Jol kartasynyń «Baqytty otbasy» partııalyq jobasymen tanysady.

Qıyn jaǵdaıǵa tap bolǵan otbasylarǵa kómektesý jáne balalyq shaqtyń qorǵalýyn qamtamasyz etý quraldaryn engizý, óńirlik deńgeıde balalardyń quqyqtary men bostandyqtaryn qamtamasyz etetin mekemelerdiń qyzmetimen tanysý da nazarda tur. «Nur Otan» partııasy janyndaǵy balalardyń quqyqtaryn qorǵaý keńesi tóraǵasynyń orynbasary, jumys tobynyń jetekshisi Dınara Zakıeva da talqylanǵan máseleniń mańyzyna toqtaldy.


Jıynda jergilikti polıtsııa, adamı áleýetti damytý, qoǵamdyq densaýlyqty saqtaý, jumyspen qamtýdy úılestirý jáne áleýmettik baǵdarlamalar basqarmalarynyń esepteri tyńdaldy. Balalardyń jaǵdaıy týraly statıstıkalyq málimetter men otbasylardy qoldaý boıynsha júzege asatyn jobalar talqylandy.

«Nur Otan» partııasy Túrkistan oblystyq fılıaly tóraǵasynyń birinshi orynbasary B.Tájibaev óz baıandamasynda «Baqytty otbasy» partııalyq jobasy boıynsha fılıal janynan 117 adamnan top qurylǵanyn atap ótti. Bul top memlekettik organdarmen birlese jumys istep, óńirdegi negizgi úsh máseleni anyqtaǵan. Olar – álimjettik, zorlyq-zombylyq jáne sýıtsıd. Óńirde reıdter nátıjesinde 8 aıda ata-ana baqylaýynsyz qalǵan 62 jasóspirim beıimdeý ortalyǵyna ornalastyrylǵan. Ókinishtisi, oblysta jasóspirimder qylmysy men sýıtsıd te az emes.


«Jańa oblys qurý barysynda balalar máselesimen aınalysatyn mekemeler men kásibı mamandardyń kóbi Shymkentte qalyp qoıdy. Sondyqtan Túrkistan oblysynda psıhologııalyq jáne zorlyq-zombylyqqa ushyraǵandardy ońaltý ortalyqtaryn ashý – kezek kúttirmeıtin is. Partııa fılıaly osy baǵytta belsendi jumysqa kóshedi», – dedi B.Tájibaev.

Úsh kúnge josparlanǵan sapar aıasynda jumysshy top Túrkistan oblysyndaǵy 80-nen astam bilim berý, medıtsına, ıývenaldy polıtsııa, áleýmettik qorǵaý jáne ózge de mekemelerge kirip, jumysymen tanysady dep kútilýde. Atap aıtqanda Túrkistan, Arys qalalary men Saryaǵash, Shardara, Qazyǵurt, Túlkibas, Tólebı, Saıram aýdandaryn aralap, jumys júrgizbek. Sonymen birge kópbalaly analardy turǵyn úımen qamtamasyz etý, jumysqa ornalastyrý, balalarǵa qosymsha tegin bilim berý joldary talqylanyp, ózge de máseleler boıynsha eldiń usynystary tyńdalmaq.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT