+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Túrkistan oblysynda áleýmettik nannyń ortasha baǵasy 71,5 teńge

2019 jylǵy 31 qazan 16:13
Bólisińiz:
Túrkistan oblysynda áleýmettik nannyń ortasha baǵasy 71,5 teńge

TÚRKІSTAN. QazAqparat - Túrkistan oblysynda áleýmettik nannyń ortasha baǵasy - 71,5 teńge kóleminde. Al Túrkistan qalasynda nan arnaıy dúkenderde 75 teńgeden satylýda. Búgin bul týraly reıd barysynda oblystyq Kásipkerlik jáne saýda basqarmasynyń basshysy Nurlan Baıǵut málim etti, dep habarlaıdy QazAqparat.

Uqsas jańalyqtar
Qostanaı oblysynda nan baǵasyn turaqtandyrýǵa qosymsha qarjy bólindi SQO-da nan qymbattamas úshin sharýashylyqta naýbaıhanalardy iske qosý kerek - ákim Aqtóbede nan óndirýshiler baǵany ózara kelisimmen kótergen bolýy múmkin

Túrkistan oblysynyń ákimi Ómirzaq Shókeevtiń tapsyrmasyna sáıkes, oblys ákiminiń orynbasary Meıirjan Myrzalıevtyń tóraǵalyǵymen arnaıy qurylǵan jumys toby áleýmettik nan baǵasynyń ósýine qarsy júıeli jumystar atqarýda.

Búgin oblys ortalyǵy Túrkistan qalasynda áleýmettik nan baǵasyn baqylaýǵa arnalǵan reıdtik sharalar uıymdastyryldy. Shara aıasynda sala mamandary men BAQ ókilderi Túrkistan qalasynda birneshe marketter men áleýmettik dúkenderdi aralady. Ondaǵy áleýmettik nan men azyq-túlik baǵalarymen tanysty. Reıd barysynda oblystyq kásipkerlik jáne saýda basqarmasynyń basshysy Nurlan Baıǵut baǵany turaqtandyrý úshin atqarylyp jatqan sharalardy baıandady. «Qazirgi tańda Túrkistan qalasyna bıdaıdy tómen baǵamen jetkizý jóninde kelissizder júrgizilgen. Sondaı-aq, jergilikti «Aqjol» JShS naýbaıhanasymen kelisim-shart jasaldy. Naýbaıhana kúnine 25 myń nan ónimin daıarlap, qala suranysynyń 80 paıyzyn qamtyp otyr. Áleýmettik nan óndirý úshin naýbaıhana arzandatylǵan 1-surypty bıdaı unymen qamtamasyz etiledi. Óndirýshilerge arzan baǵadaǵy shıkizatty jetkize otyryp, áleýmettik nan baǵasyn turaqtandyramyz. Kúndelikti 1-sortty unnan jasalǵan áleýmettik nan Túrkistan qalasyndaǵy 20 saýda ornynda (áleýmettik dúkender, «Shapaǵat», «Bereke» saýda úıleri) 75 teńgeden satylýda. Al oblys boıynsha áleýmettik nannyń ortasha baǵasy 71,5 teńge kóleminde. Mamandar nannyń salmaǵyn da qadaǵalaýda ustap otyr», - dedi Nurlan Baıǵut. Shara aıasynda Túrkistan qalasyndaǵy azyq-túlikti tómendetilgen baǵamen satatyn áleýmettik dúkender de tanystyryldy. Túrkistan oblysy boıynsha Turaqtandyrý qorynyń basqarma dırektory Maral Marasılov jergilikti turǵyndar arzan baǵada azyq-túlik alýlary úshin Túrkistan qalasynda 8 áleýmettik dúkenniń jumys istep turǵanyn jetkizdi. «Bizdiń qorymyzda 14 áleýmettik dúkenniń 8-i jumys isteýde. Aldaǵy ýaqytta qalǵan dúkenderdi iske qosatyn bolamyz. Áleýmettik 19 taýardyń baǵasyn turaqtandyrý úshin jumystar atqarylýda. Jalpy qazirgi tańda qoımada 12 myń tonna ónim bar. Bul qor baǵany qalypty ustaýǵa jetkilikti. Al áleýmettik nan baǵasyn kótermeý maqsatynda naýbaıhanalarǵa arzan baǵada un, sýbsıdııa berýdi qolǵa alyp jatyrmyz», - dedi Maral Marasılov.









Bizdiń kanalymyzǵa jazylyńyz:

Basty sózder: Túrkistan oblysy, Azyq-túlik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT