+7 (701) 759 90 19
USD 425.49 EUR 512.84
RUB 5.63 CNY 64.83
Jańalyqtar

Túrkistan oblysynda AÁK tóleýde olqylyqqa jol bergen sheneýnikter jazalanady

2019 jylǵy 10 jeltoqsan 11:31
Bólisińiz:
Túrkistan oblysynda AÁK tóleýde olqylyqqa jol bergen sheneýnikter jazalanady

TÚRKІSTAN. QazAqparat - Túrkistan qalasynda oblys ákimi Ómirzaq Shókeevtiń tóraǵalyǵymen kezekti apparat májilisi ótti. Jıynda ataýly áleýmettik kómek kórsetýdegi sońǵy málimetter men bul tusta oryn alǵan olqylyqtar talqylandy, dep habarlaıdy QazAqparat oblys ákiminiń baspasóz qyzmetine silteme jasap.

Májilis otyrysynda Túrkistan oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásııa Temirbaeva baıandama jasady.

«Sońǵy málimetterge sáıkes, oblys halqynyń sany - 2 011 628 adam (344 myń otbasy), onyń ishinde 86,6 myń kópbalaly otbasy bar. Ataýly áleýmettik kómek kórsetý barysynda belgilengen nysanaly ındıkatordyń biri – kúnkóris deńgeıinen tómen turatyn halyqtyń úlesi 16,5% bolyp belgilengen. Bıyl oblys boıynsha AÁK kórsetý maqsatynda jalpy 70,8 mlrd teńge bólingen. Onyń ishinde respýblıkalyq bıýdjettiń úlesi - 65,7 mlrd teńge. Ataýly áleýmettik kómek 100 myńnan astam otbasyndaǵy 632,8 myń adamǵa taǵaıyndaldy. Bul ótken jylmen salystyrǵanda úsh ese kóp» delingen habarlamada.

Bul másele tóńireginde oryn alǵan olqylyqtarǵa qaıta esepteýdiń ýaqytyly júrgizilmeýi, qujattardyń der kezinde óńdelmeýi, bıýdjet qarjysynyń durys josparlanbaýy (Ordabasy, Kentaý, Túrkistan) jáne aldyn ala bir jyldyq AÁK tólenýi (Kentaý qalasy) sebep bolǵan.

«Osyǵan baılanysty aýdan, qala ákimderi jyl sońyna deıin qarjynyń maqsatty jáne zań sheńberinde tólenýin jete baqylaýǵa alyp, qaıta eseptep, bólingen qarajatty maqsatty ıgerip, AÁK alýshylardy jumyspen qamtýdyń belsendi sharalaryna tartý qajet. Ataýly áleýmettik kómek kórsetý máselesi – halyq arasynda udaıy talqylanyp, synǵa ilikken másele boldy», - dedi oblys basshysy.

Aımaq basshysynyń tapsyrmasyn osy joly oryndaýdan taıqyǵandar kreslomen birjolata qoshtasatyn bolady. Ómirzaq Estaıuly osyny qatań eskertti.

«Bul - óte mańyzdy másele. Júıesi joq jumystan shıkilik shyǵady. Oǵan jol bergen jaýaptylardyń kinásin naqty faktimen dáleldep, jazalaımyz. Qazir tyń ıdeıasy men aqyly bar mamandardy ańdyǵan zaman. Zamanaýı tehnologııanyń tilin ıgergen, ıdeıaly tulǵalardy jumysqa tartyńdar», - dedi aımaq basshysy jınalys barysynda.

Basqarma basshylyǵy áleýmettik shıelenisterdiń bolýyna jol bergen, tıisti jumyspen qamtý jumystaryn júrgizbegen jumyspen qamtý ortalyqtarynyń basshylarynyń jumystan bosatylýyn, tıisti jaýapty mamandardyń oryndaýshylyq tártibin qaraýdy usyndy. Aýyl ákimderiniń, jumyspen qamtý ortalyqtary men bólim mamandarynyń biliktiligin anyqtaý maqsatynda jeltoqsan-qańtar aılarynda testileý jumysy júrgizilmek.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT