Túrkistan oblysynda 70 myńǵa jýyq oqýshy tegin ystyq tamaqpen qamtyldy
2022 jylǵy 28 qańtar 20:54

Túrkistan oblysynda 70 myńǵa jýyq oqýshy tegin ystyq tamaqpen qamtyldy

TÚRKІSTAN. QazAqparat- Túrkistanda oblysynda 70 myńǵa jýyq oqýshy tegin ystyq tamaqpen qamtylǵan, dep habarlaıdy QazAqparat tilshisi.

Túrkistan oblysynda jalpy bilim berý uıymdarynyń sany — 945. Búginde oblys mektepterinde áleýmettik jaǵdaıy tómen otbasylardan shyqqan 68409 oqýshy bir rettik tegin ystyq tamaqpen qamtylǵan.

Óńirde «Mektep ashanalaryn jańǵyrtý» jobasy ázirlenip, jobany memlekettik-jekeshelik áriptestigi tetigimen júzege asyrý kózdelgen. Atalǵan joba bıznes pen memleket arasyndaǵy ózara yntymaqtastyqqa qolaıly jaǵdaıdy qalyptastyrýǵa, bilim uıymdaryndaǵy tamaqtandyrýdyń naqty standarttaryn belgileýge jáne osy saladaǵy qoǵamdyq baqylaýdy arttyrýǵa baǵyttalǵan.

Qazirgi tańda oblystaǵy 149 mektep ashanalaryn jańǵyrta otyryp, 5 jylǵa paıdalanýǵa alýdy kózdeıtin joba iske qosylǵan. Ashanalardyń qondyrǵylary, qural-saımandar jáne ústelder men oryndyqtary aýystyrylyp, jóndeý jumystary júrgizildi.

MJÁ tetigimen qamtylǵan 149 mekteptiń mektep ashanalarynda jáne as bloktarynda beınebaqylaý kameralary ornatylǵan.


Jańalyqtar

MURAǴAT