+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Túrkistan oblysynda 670 myń sharshy metr baspana paıdalanýǵa beriledi

2020 jylǵy 27 aqpan 21:17
Bólisińiz:
Túrkistan oblysynda 670 myń sharshy metr baspana paıdalanýǵa beriledi

TÚRKІSTAN. QazAqparat – 2019 jyly Túrkistan oblysynda 620,4 myń sharshy metr turǵyn úı paıdalanýǵa berildi. Bul - 5879 páter. Al bıyl qarjylandyrýdyń barlyq kózderi arqyly 670 myń sharshy metr baspana tapsyrýdy josparlanýda. Bul týraly Óńirlik kommýnıkatsııalar qyzmetinde ótken brıfıngte oblystyq Qurylys basqarmasynyń basshysy Toqtar Úsipálıev málim etti.

Sonymen qatar, 2019 jyly 198 ınvestıtsııalyq joba iske asyrylyp, 100-i paıdalanýǵa berilgen. 98 nysan qurylysy 2020 jylǵa ótpeli. Ótken jyly «Nurly jer» memlekettik turǵyn úı baǵdarlamasy aıasynda 111 nysannyń qurylysy júrgizildi. Atap aıtqanda, 64 turǵyn úı, 24 kredıttik turǵyn úı, 23 ınjenerlik ınfraqurylym nysany.

«Basqarmanyń aǵymdaǵy jylǵy jospary - 70 jobalyq-smetalyq qujattama ázirleý, 117 ınvestıtsııalyq jobany júzege asyrý, onyń aǵymdaǵy jyly 81-in paıdalanýǵa berý josparlansa, 36 nysan qurylysy 2021 jylǵa ótpeli bolady. Biryńǵaı turǵyn úı saıasatyn iske asyrý boıynsha 2020 jyly oblysta 30 nysannyń qurylysy júrgizilýde. Jyl qorytyndysymen 28 nysan paıdalanýǵa tapsyrylady. Oblys boıynsha 2020 jyldyń 1 qańtardaǵy esebimen 37 084 otbasy turǵyn úı kezegine tirkelgen, onyń ishinde: kópbalaly otbasy - 6522, osal topqa jatatyndar – 18 834», - dedi Toqtar Úsipálıev.
Túrkistan qalasyn damytý boıynsha aǵymdaǵy jyly 2020 jyldyń qyrkúıek aıynda ákimshilik-iskerlik ortalyǵynda qalǵan 11 nysannyń qurylysy paıdalanýǵa tapsyrylatyn bolady. Atap aıtqanda, basqarmalar ǵımaraty, departamentter ǵımaraty, Kongress ortalyǵy, Medıaortalyq, Nur-Sultan alańy, Oqýshylar saraıy, stadıon, Tsıfrlyq keńse, basseıni bar sport kesheni, Smart-sıtı baılanys jelileri, attraktsıondary bar qalalyq saıabaq.
Sonymen qatar, qazir Dendrosaıabaq, Býlvar, 900 oryndyq mektep jáne 7 ınjenerlik ınfraqurylymnyń qurylys jumystary júrgizilýde. Rýhanı-mádenı ortalyqta qalǵan 4 nysannyń qurylysy tolyq aıaqtalyp, paıdalanýǵa tapsyrylatyn bolady. Atap aıtqanda, drama teatry; Ǵylymı-ámbebap kitaphanasy; Uly dala eli ortalyǵy; Q.A.ıAsaýı murajaıy. Sondaı-aq, «Uly Jibek joly» qolóner sheberler ortalyǵy, Tuńǵysh Prezıdent saıabaǵy, N.Nazarbaev alleıasy (Arbat) jáne Kerýen saraı kesheniniń qurylysy júrgizilýde.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT