Túrkistan oblysynda 4 adam ysty gazǵa ýlanyp, mert boldy
2021 jylǵy 28 qarasha 20:30

Túrkistan oblysynda 4 adam ysty gazǵa ýlanyp, mert boldy

TÚRKІSTAN. QazAqparat – Túrkistan oblysynda 4 adam ysty gazǵa ýlanyp, qaza boldy. Bul týraly Túrkistan oblysy Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

Qaıǵyly oqıǵa Keles aýdanyna qarasty Ushqyn aýylyndaǵy jeke turǵyn úıde boldy.

28 qarasha kúni saǵat 12:30 shamasynda «112» qyzmetine habarlasqan jergilikti turǵyn jeke turǵyn úıden 4 adamnyń, onyń ishinde 1 kámelettik jasqa tolmaǵan balanyń máıiti jatqandyǵy týraly aıtqan.

«Úı ishinde órt bolǵany baıqalmaıdy. Úıde tabıǵı gazben jylytý jabdyǵy ornatylǵan. Pesh qatty otynmen jumys isteýge arnalǵan, tabıǵı gazben jylytýǵa qaıta jabdyqtalǵan. Qazirgi tańda oqıǵanyń mán-jaıy anyqtalýda», - dedi TJD baspasóz qyzmetinen.

Aldyn ala málimet boıynsha, 49, 47 jastaǵy aǵaıyndy jigitter, tulǵasy anyqtalmaǵan áıel jáne 3-4 jas shamasyndaǵy er bala kóz jumǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT