+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Túrkistan oblysynda 20 myńǵa jýyq betperde tegin taratyldy

2020 jylǵy 29 naýryz 09:42
Bólisińiz:
Túrkistan oblysynda 20 myńǵa jýyq betperde tegin taratyldy

TÚRKІSTAN. QazAqparat – Túrkistan oblysyndaǵy árbir aýdan-qalalarda qaýipti derttiń aldyn alý maqsatynda betperdeler tegin taratylýda. Kentaý qalasynda eriktiler uıymynyń músheleri kóshelerdi aralap, turǵyndarǵa 20 myńnan asa medıtsınalyq maska men arnaıy qorǵanysh qolǵaptaryn taratty, dep habarlaıdy QazAqparat tilshisi.

Qalanyń jergilikti turǵyndaryna koronavırýstan qorǵaný joldaryn túsindirip, kóshege kóp shyqpaýǵa shaqyrdy. Ásirese adamdar kóp jınalatyn jerlerge barmaý qajettigin eskertip, saqtyq sharalaryn únemi saqtaý jónindegi túrli keńestermen bólisti.

«Eriktiler betperdelerdi ózderi qoldan tikti. Qazir qala kóshelerinde birshamasyn taratty. Sondaı-aq, qalaǵa kire-beris qaqpada ornalasqan blok-posttaǵy kelýshilerge berdi. Endi, áleýmettik jaǵdaıy tómen otbasylarǵa, ardagerlerge jáne múmkindigi shekteýli azamattardyń úılerine alyp baryp beremiz. Bul ıgi isti aldaǵy ýaqytta da jalǵastyratyn bolamyz», – deıdi qalalyq Jastar resýrstyq ortalyǵynyń basshysy Qanat Bekmetov.


Óńirde qolǵa alynǵan «BIZBIRGEMIZ» aktsııasy aıasynda «Nur Otan» partııasy Keles aýdandyq fılıaly men «Atameken» kásipkerlik palatasynyń aýdandyq fılıaly, sodaı-aq isker áıelder uıymy bastaǵan kásipker azamatshalar turǵyndarǵa 2 myń danadan asa betperde úlestirip berdi. Igi sharaǵa «Jas Otan» JQ belsendileri men aýdandyq Jastar resýrstyq ortalyǵynyń erikti jastary atsalysty. Olar betperdelerdi negizinen turmysy tómen jáne múmkindigi shekteýli azamattardyń otbasyna, sonymen qatar, qaýipti aýmaqta kúndelikti tazalyq jumystary boıynsha qyzmet etip júrgen «Keles-Tazalyq» mekemesiniń jumysshylaryna taratty.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT