Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Túrkistan oblysynda 17 myń gektar jaıylym qaıtaryldy

2022 jylǵy 23 maýsym 22:15

TURKІSTAN. QazAqparat - Túrkistan oblysynda 3,1 mln. gektar jaıylymǵa qajettilik bar. Bıyl 1 mln 12 myń gektardy qaıtarý josparlanýda. Onyń 405 myńy memleketke qaıtarylady.

Túrkistan oblysy ákimdigi baspasóz qyzmetiniń habarlaýynsha, 600 myńnan astam gektar jaıylym ıelerimen memorandým arqyly eldiń ortaq paıdalanýyna usynylady.

Túrkistan oblystyq jer qatynastary basqarmasynyń habarlaýynsha, ázirge 17 myń gektar jaıylym jer qaıtaryldy. Sonyń biri Ordabasy aýdany Aqsary aýylynda iske asyp, halyqtyń talaby oryndaldy.

Túrkistan oblysyna jumys saparymen kelgen «Amanat» partııasy janynan qurylǵan «Jer amanaty» komıssııasynyń ókilderi Ordabasy aýdanyndaǵy jaıylym jer máselesiniń jaı-kúıimen tanysty. «Amanat» partııasynyń hatshysy D.Káribek, QR Parlamenti Májilisiniń depýtattary J.Áshimjan, E.Saırov, QR Aýyl sharýashylyǵy mınıstrligi Jer resýrstaryn basqarý komıtetiniń tóraǵasy - QR Jerdi paıdalaný men qorǵaý jónindegi bas memlekettik ınspektory M.Temirjanov, «Amanat» partııasy Túrkistan oblystyq fılıalynyń Atqarýshy hatshysy, fraktsııa jetekshisi B.Tájibaev Aqsary aýylynyń halqymen kezdesti.

Jaıylym alqabynda ótken Báıdibek, Otyrar, Tólebı aýdandarynyń atqarýshy organdarynyń basshylary, sharýa qojalyqtarynyń jetekshileri de qatysty. Partııa janynan qurylǵan «Jer amanaty» komıssııasynyń múshesi, Májilis depýtaty E.Saırov kezdesýdiń maqsaty týraly aıtty.

– Memleket basshysy jer máselesin ádiletti sheshýdi tapsyrdy. Búgingi tańda partııanyń negizgi prıntsıpi de osy. ıAǵnı, jer aýyldaǵy aǵaıynnyń enshisinde bolýy kerek. Qurylǵan komıssııa músheleri ózimizdiń halyqqa jerdi qalaı úlestiremiz degen jaýap izdep, búkil eldi mekendi aralaýdy bastady. Eger naqty ári negizi bar problema bolsa, ol jergilikti atqarýshy organ arqyly sheshile me álde Zańǵa ózgeris engizý kerek pe osyny anyqtaımyz. Keshendi qarastyrý úshin tek ózimiz emes Úkimettiń múshelerimen birge aralaımyz, – dedi Májilis depýtaty E.Saırov.

Tórtkól aýyl okrýgi, Aqsary aýylyna jaqyn ornalasqan jaıylym alqaptary 910 gektardy quraıdy. Bul jer kólemi aýyl turǵyndarynyń sharýamen aınalysýyna azdyq etedi. Turǵyndardyń ýájin tyńdap, arnaıy komıssııa arqyly sheshýge yqpal etý úshin kelgen komıssııa ókilderi oryndy usynystardy toptastyryp, Zańǵa ózgerister engizýge jumys júrgizetinderin jetkizdi.

– Sheshimin kútken máselerdiń biri – jer daýy. Búgin oblys ortalyǵynan ketip qalmaı, aýyldardyń máselesin estip, osynda arnaıy keldik. Zańdaǵy kodeksterge ózgertý kerek bolsa, ony halyqtyń talabyn tyńdaı otyryp júzege asyrǵanymyz jón. Munymen tek Úkimet qana jumys istemeı, partııa da aralasýy kerek. Bir aı boıy zańdy zerttedik. Endi aýyl-aımaqtardaǵy máselelerdi saralaýǵa kiristik. Sizderdiń aýyldaryńyzǵa 285 myń gektar jer ortaq paıdalanýǵa berilip otyr. Basqa da jaıylymǵa qatysty suraqtar áli qaralady, – degen D.Káribek jer tapshylyǵynyń zardabyn keshken turǵyndarǵa qýanyshty habardy jetkizdi.

Memleket basshysynyń tapsyrmasyn oryndaý úshin partııanyń aralasýymen ortaq paıdalanýǵa beriletin jerdiń kólemi ulǵaıtylatyny jaıly jańalyq aýyl halqyn qýanyshqa keneltti. Sebebi kúnkórisi mal sharýashylyǵyna tikeleı baılanysty aýyl halqynyń aıtqan ýáji tez arada ońtaıly sheshilip otyr.

Respýblıkalyq komıssııa ókilderi, depýtattar aıtylǵan usynystardy nazarda ustap, turǵyndar talaby oryndy ekenin jetkizdi. Jerge qatysty zańbuzýshylyqtar kóshbasshy partııa tarapynan zerdelenip, naqty istermen tıisti sheshimder qabyldanady.


Novostı po teme
Uqsas jańalyqtar