+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Túrkistan oblysynan 560 otbasy soltústik óńirlerine qonys aýdarǵan

2020 jylǵy 23 qańtar 14:45
Bólisińiz:
Túrkistan oblysynan 560 otbasy soltústik óńirlerine qonys aýdarǵan

TÚRKІSTAN. QazAqparat – Túrkistan oblysynan ótken jyly «Eńbek» baǵdarlamasy boıynsha 560 otbasy soltústik óńirlerine qonys aýdarǵan. Sala mamandary bul jumystardyń barlyǵy óńirdegi úgit-nasıhat jáne túsindirý jumystarynyń nátıjesinde júzege asqanyn aıtady, dep habarlaıdy QazAqparat tilshisi.

Uqsas jańalyqtar
Qazaqstan aýmaǵynyń basym bóliginde aspan ashyq bolady

Oblystyq ákimdiktiń málimetinshe, 427 otbasy kóshiriledi dep josparlanǵan. Alaıda bul kórsetkish artyǵymen oryndaldy. Oblys ákimdiginiń uıymdastyrýymen osy baǵdarlamany nasıhattaý boıynsha óńirdiń BAQ ókilderi SQO, Qostanaı jáne Aqmola oblystarynda bolyp qaıtty. Sonymen birge «Nur Otan» partııasynyń Túrkistan oblystyq fılıaly oblystaǵy aýdan, qalalarda turǵyndarmen kezdesip, teriskeıge qonys aýdarýdyń sharttary men tıimdi tustaryn nasıhattaǵan bolatyn.

Elimizde birneshe jyldan beri júzege asyp kele jatqan «Eńbek» baǵdarlamasynyń maqsaty – halqy tyǵyz ornalasqan Ońtústiktegi oblystardyń turǵyndaryn jumys kúshi jetispeıtin Soltústik óńirlerge qonystandyrý bolǵan. Osy baǵdarlama qolǵa alynǵan 2015 jyldan beri ońtústik óńirinen jalpy 4935 múshesi bar 1365 otbasy teriskeıge qonys aýdarǵan. Máselen, aǵymdaǵy jyly Túrkistan oblysynan baǵdarlama boıynsha 62 otbasy (221 adam) Qostanaı oblysyna qonystansa, 115 otbasy (230 adam) Shyǵys Qazaqstan oblysyna kóshken. 288 otbasy (832 adam) Soltústik Qazaqstan jáne 95 otbasy (474 adam) Pavlodar oblystaryna kóship bardy. QR boıynsha qonys aýdarǵandar arasyndaǵy Túrkistan oblysynyń úlesi 28 paıyzdy qurap otyr. Qonys aýdarǵan 895 eńbekke qabiletti turǵynnyń 622-si turaqty jumyspen qamtylsa, 47 adam jeke kásibin ashqan. Óz kásibin ashamyn deýshilerge egin, mal sharýashylyǵymen shuǵyldanýǵa jer telimderi, bos turǵan ǵımarattar usynylǵan. Baspana boıynsha kómek kórsetilgen. Sondaı-aq kóship-qonýǵa baılanysty memleket tarapynan qarjylaı kómek berilgen.

Jalpy byltyr Soltústik óńirlerden 6 top, 96 jumys berýshi arnaıy kelip, túsindirý jumystaryn júrgizdi. Al, oblys ákimdigi jáne osy salaǵa jaýapty basqarma tarapynan da tıisti is atqarylǵan. Jetisaı aýdanynda «Óńiraralyq bos jumys oryndary» jármeńesi ótkizildi. Atalǵan jármeńkege 650-den astam turǵyn qatysyp, olarǵa 3 myńnan astam bos jumys oryndary usynyldy. Sonymen qatar demeýshiler esebinen 150-ge jýyq adam Soltústik óńirdegi ahýalmen tanysyp qaıtqan bolatyn.

«Nur Otan» partııasy Túrkistan oblystyq fılıaly tóraǵasynyń birinshi orynbasary B.Tájibaevtyń aıtýynsha, «Eńbek» baǵdarlamasynyń strategııalyq mańyzy joǵary. Aldaǵy ýaqytta da partııa fılıaly oblys ákimdigimen birlesip, osy baǵdarlamany nasıhattaý jumystaryn jalǵastyrmaq. Jańa mekenge baryp, jańa ómir bastaýǵa, Qazaqstandy órkendetýge túrkistandyq árbir turǵynnyń múmkindigi bar ekeni jıi aıtylyp júr.


Bizdiń kanalymyzǵa jazylyńyz:

Basty sózder: Túrkistan oblysy, Qoǵam,
Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT