+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Túrkistan oblysyna arnaıy kelgen mınıstr dıqandardyń máselesin sheship beretin boldy

2020 jylǵy 11 naýryz 13:22
Bólisińiz:
Túrkistan oblysyna arnaıy kelgen mınıstr dıqandardyń máselesin sheship beretin boldy

TÚRKІSTAN. QazAqparat – Túrkistan oblysyna is-saparmen kelgen QR Ekologııa, geologııa jáne tabıǵı resýrstar mınıstri Maǵzum Myrzaǵalıev Saryaǵash aýdanynda bolyp, Keles aýdanyndaǵy sharýalarmen kezdesti.

Uqsas jańalyqtar
Búgin Qazaqstannyń eki qalasynda aýa lastanady Jambyl oblysynda QMDB-nyń 30 jyldyǵyna 3651 túp aǵash otyrǵyzyldy Búgin Aqtóbede aýa sapasy nasharlaıdy

Alpamys batyr aýyldyq okrýginiń egistik jerlerine aǵyn sý jetkizetin «Aynaý» kanalynyń basyna barǵan mınıstr, sharýalardyń máselelerin tyńdady, dep habarlaıdy QazAqparat tilshisi.

Sharýalardyń máselesin talqylaýǵa Túrkistan oblysy ákiminiń orynbasary Ulan Tájibaev pen «Nur Otan» partııasy Túrkistan oblystyq fılıaly tóraǵasynyń birinshi orynbasary Beısenbaı Tájibaev, Keles aýdanynyń ákimi Aqmentaı Esbaev pen Saryaǵash aýdanynyń ákimi Muhıt Otarshıev, «Qazsýshar» RMK Túrkistan oblystyq jáne aýdandyq fılıaly basshylary men mekeme basshylary qatysty.

Aýyl turǵyndarynyń aıtýynsha, sý qubyrynyń Aqjol aýylyna deıingi bóliginen Saryaǵash aýdanynyń birshama jer ıeleri sýdy zańsyz alýda. Nátıjesinde Aqjol aýylyndaǵy dıqandarǵa sý jetpeı, dıqandar sý alý úshin kelisimshartqa kúdikpen qarap otyr. Ótken jyly 450 ga jer ıeleri kelisimshartqa turǵanymen «Aynaý» kanalynan lımıtpen bosatylǵan aǵyn sýdyń egis alqabyna 50% mólsheri ǵana jetken. Keles aýdanynyń ákimi Aqmentaı Esbaev atalǵan sý qubyry arqyly «Qazsýshar» RMK-sy tarapynan jetkilikti mólsherde sý jetkizip beretin bolsa, 900 ga-dan astam jerdi ıgerýge múmkindik bar ekenin jetkizdi. Óz kezeginde mınıstr M.Myrzaǵalıev pen oblys ákiminiń orynbasary U.Tájibaev másele oryndy kóterilip otyrǵanyn aıtyp, «Qazsýshar» RMK mamandaryna tapsyrma berdi.

Keles jáne Saryaǵash aýdanyn ákimderiniń orynbasarlary deńgeıinde jumys tobyn quryp, sý qubyry boıyndaǵy zańsyz sý alýshylardy anyqtaýdy jáne Alpamys batyr aýyldyq okrýginiń egis alqabyna qajetti mólsherde sý jetkizip berý máselesin shuǵyl sheshýdi tapsyrdy.

Mınıstr Myrzaǵalıevtiń issapary Keles aýdanynda jalǵasyp, aýdan aýmaǵynan ótetin Ózbekstan Respýblıkasyna tıesili Soltústik Tashkent kanalynyń (STK) búgingi jaǵdaıymen tanysty. Soltústik Tashkent kanaly (STK) kórshi elden bastalyp, Keles aýdanynyń 20 shaqyrym aýmaǵynan ótedi. 2922 ga sýarmaly jerdi aǵyn sýmen qamtamasyz etedi. Atalǵan kanaldyń búgingi tańda Ózbekstan memleketiniń menshiginde bolýyna baılanysty aýdandyq nemese oblystyq bıýdjet esebinen mehanıkalyq tazalaýdan ótkizýge qarjy bólýge múmkindik bolmaı otyr.

Keles aýdanynyń ákimi Aqmentaı Esbaev shekara belgilengen boıda kanaldyń Qazaqstan tarapyndaǵy bóligi qaraýsyz qalǵanyn jetkizip, atalǵan máseleni Respýblıka deńgeıinde sheshilýin jáne oǵan mınıstr tarapynan yqpal jasaýdy surady. Óz kezeginde Maǵzum Maratuly kórshi eldiń delegatsııasymen kelissózder júrgizý maqsatynda kerekti qujattar men málimetterdi berýdi aýdan ákimine tapsyrdy.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT