+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Túrkistan oblysy: tyıym salynǵan materıaldardy taratqan 15 adamǵa aıyppul salyndy

2020 jylǵy 27 qazan 14:32
Bólisińiz:
Túrkistan oblysy: tyıym salynǵan materıaldardy taratqan 15 adamǵa aıyppul salyndy

TÚRKІSTAN. QazAqparat – Túrkistan oblysy PD-niń qyzmetkerlerimen dinı mazmundaǵy tyıym salynǵan materıaldardy zańsyz taratqany úshin 15 jergilikti turǵyn ákimshilik jaýapkershilikke tartylǵan. Sot quqyq buzýshylarǵa qatysty mıllıon teńgeden astam ákimshilik aıyppul salǵan, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, áleýmettik jelilerge monıtorıng júrgizý barysynda «VKontakte» qoldanýshylarynyń biriniń paraqshasynan dinı sıpattaǵy tyıym salynǵan materıaldar tabylǵan. Sot sheshimimen Saıram aýdanynyń turǵyny dinı mazmundaǵy tyıym salynǵan materıaldardy taratqany úshin QR ÁQBtK-niń 490-babynyń 3-bóligi «Qazaqstan Respýblıkasynyń Dinı qyzmet jáne dinı birlestikter týraly zańnamasyn buzý» boıynsha kináli dep tanylyp, oǵan 194 myń teńge kóleminde ákimshilik aıyppul salynǵan. PD ekstremızmge qarsy is-qımyl basqarmasynyń qyzmetkerlerimen ǵalamtordy baqylaý kezinde tyıym salynǵan destrýktıvti dinı aǵymnyń ıdeologııasyn taratqan taǵy bir adam tabylǵan. Ol «VKontakte» áleýmettik jelisi arqyly aýdıojazbalar taratyp, dárister uıymdastyrǵan. Osylaısha eldiń tutastyǵyn buzýǵa, memleket qaýipsizdigine nuqsan keltirýge jáne alaýyzdyqty qozdyrýǵa nasıhat pen úgit-nasıhattar júrgizgen.

«Sot qaýlysymen Túrkistan qalasynyń turǵyny QR ÁQBtK-niń 453-baby 2-bóligi «Qazaqstan Respýblıkasynyń aýmaǵynda buqaralyq aqparat quraldarynyń ónimin, sol sııaqty ózge de ónimdi daıyndaý, saqtaý, ákelý, tasymaldaý, taratý« boıynsha kináli dep tanylyp, 55 560 teńge ákimshilik aıyppul salyndy» delingen habarlamada.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT