+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Túrkistan oblystyq máslıhatynyń hatshysy: Birligi myqty el – indetti birge jeńedi

2020 jylǵy 28 naýryz 23:39
Bólisińiz:
Túrkistan oblystyq máslıhatynyń hatshysy: Birligi myqty el – indetti birge jeńedi

TÚRKІSTAN. QazAqparat – Birligi myqty el – indetti birge jeńedi. Bul týraly Túrkistan oblystyq máslıhatynyń hatshysy Q.Balabıev óńir turǵyndaryna arnaǵan úndeýinde aıtty, dep habarlaıdy QazAqparat.

«Qurmetti túrkistandyqtar! Barshańyzǵa belgili, qazir búkil dúnıe júzi koronavırýs pandemııasyna baılanysty tym kúrdeli jaǵdaıdy bastan ótkerýde. Elbasymyz Nursultan Ábishuly Nazarbaev jáne Prezıdentimiz Qasym-Jomart Kemeluly Toqaev álemdi jaýlap kele jatqan koronavırýs dertiniń aldyn alý jóninde kóptegen sharalar qabyldady. Elimizde osy aýrýmen aýyrǵandar sany búgingi tańda 125 adamǵa jetip otyr. Bul koronavırýs ınfektsııasy – óte aýyr indet, sol sebepten Dúnıejúzilik Densaýlyq saqtaý uıymy dúnıe júzi boıynsha pandemııa jarııalady.

Qazir birqatar el turǵyndary indettiń dúnıejúzilik sıpat alyp otyrǵandyǵyna jáne salynyp otyrǵan qatań tyıymdarǵa qaramastan áli de bolsa jasyryn túrde betasharlar jasap, toı-jıyndar ótkizýde, saqtyq sharalaryna múlde kóńil aýdarmaýda.

Oblys jurtshylyǵy jaǵdaıdyń tym kúrdeli bolyp otyrǵandyǵyn jete túsinip, jaýapkershilikpen qaraýlary tıis! Óıtkeni, ózderińiz kórip otyrǵandaryńyzdaı, kóptegen elderde, sonyń ishinde Italııada osy aýrýdyń saldarynan bir kúnde 600-700 adamǵa deıin kóz jumyp jatyr, Ispanııa, Amerıka elderinde de jaǵdaı ýshyǵýda. Qaıtys bolǵan adamdardy jerleıtin tabyt tapshylyǵy sezilýde! Ispanııa astanasynda máıithanalarda oryn bolmaı, hokkeı alańdaryna qaıtys bolǵandardy ýaqytsha qoıýda», - dedi ol.

Q.Balabıev atap ótkendeı, oblys ákimi Ómirzaq Shókeev jýyrda osy indettiń taralýyn boldyrmaý jóninde halyqqa óz úndeýin joldap, negizgi sharalar keshenin qabyldady.

«Qazirgi ýaqytta oblys kóleminde táýlik boıy jumys isteıtin blokpostar qoıyldy. Bul beketterde dárigerler men polıtsııa qyzmetkerleri kúndiz-túni ótip jatqan kólikterdi toqtatyp, ondaǵy júrgizýshiler men jolaýshylardyń dene qyzýlaryn tekserýde.

Halyq kóp shoǵyrlanatyn áýejaılar, temirjol vokzaldary men avtovokzaldar, iri saýda, oıyn-saýyq oryndarynyń jumysy, kópshiliktiń qatysýymen ótetin is-sharalar tolyq toqtatyldy.

Munyń barlyǵy – halyqtyń densaýlyǵy men ómiri úshin jasalyp otyrǵan óte mańyzdy sharalar.

Qazaqta «Birlik bar jerde, tirlik bar» degen qanatty sóz bar. Men barsha halyqty búkil el bolyp birlikke, osy indetke baılanysty qalyptasyp otyrǵan asa kúrdeli ahýalǵa túsinistikpen qaraýǵa shaqyramyn. Sebebi, bul másele bir Elbasymyz ben Prezıdentimizdiń, ne Úkimettiń ǵana problemasy emes, bul búkil qoǵam bolyp eńserýimiz qajet qaýipti indet.

Elbasynyń halyqqa joldap otyrǵan Úndeýine oraı biz qolynan is keletin barsha isker azamattardan, kásipkerlerden, iri kásiporyn basshylarynan el basyna osyndaı kún týǵanda aıanyp qalmastan, múmkindiginshe, qoldan kelgen kómekterińizdi berýlerińizdi suraımyz. Bul rette úlken alpaýyt elderdiń ózi bul indetke daıyn bolǵan joq», - dedi máslıhat hatshysy.

Halyq qalaýlysynyń aıtýynsha, Prezıdent Qasym-Jomart Toqaev koronavırýs indetine baılanysty qalyptasyp otyrǵan aýyr ekonomıkalyq jaǵdaıda shaǵyn jáne orta bıznes sýbektilerine, halyqty qoldaýǵa 10 mlrd teńge baǵyttady.

«Sondaı-aq, kredıti bar azamattarǵa kredıttik tólemderin ýaqytsha 3 aıǵa deıin toqtata turýǵa múmkindik berilýde. «Nur Otan» partııasy tarapynan halyqtyń ál-aýqaty tómen toptaryna kómek berý máselesi qolǵa alynyp otyr. «Biz birgemiz» aktsııasy sheńberinde oblys boıynsha 1500 az qamtamasyz etilgen otbasyǵa azyq-túlik taratylyp, qoldan kelgenshe járdem berilýde. Osy tektes ıgi sharalar «Nur Otan» partııasy tarapynan da, oblys ákimdigi tarapynan da jalǵasyn tabatyn bolady. Degenmen, qanshama adam ómirin alyp ketken zulym indet jaǵdaıynda munyń barlyǵy muhıtqa tamǵan bir ǵana tamshy sekildi. Biz osy indetti jeńýimiz úshin dúıim el bolyp birigýimiz qajet.

Ortaǵasyrlyq ıslam álemindegi áıgili jáne bedeldi parsy ǵalymy Ábý Álı Ibn Sına óz zamanynda taraǵan indet kezinde ony toqtatý maqsatynda aýyl-aýyldardy aralap júrip, halyqqa meshitte, toılarda, kópshilik sharalarda jınalyp bas qosýǵa bolmaıtyndyǵyn, tazalyqqa aıryqsha mán berý kerektigin aıtyp túsindirgen eken.

Sol sebepten, árbir otbasy ózderiniń qaýipsizdigi úshin kóshege shyqpaı, jeke bastarynyń gıgıenasyna jete mán berýleri kerek!

Halyq aldynda óte jaýapty kezeń tur. Engizilgen shekteýlerge árbir azamat úlken jaýapkershilikpen qarap, tártipke baǵynýy qajet!Qudaı saqtansań saqtaıdy!», - dep túıdi Q.Balabıev.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT