+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Túrkistan men Almaty oblystary elordadaǵy jármeńkeler maýsymyn ashty

2020 jylǵy 5 qyrkúıek 11:00
Bólisińiz:
Túrkistan men Almaty oblystary elordadaǵy jármeńkeler maýsymyn ashty

NUR-SULTAN. QazAqparat – Elordada «Han Shatyr» saýda oıyn-saýyq ortalyǵynyń janynda Túrkistan jáne Almaty oblystary ákimdiginiń uıymdastyrýymen aýyl sharýashylyǵy ónimderiniń jármeńkesi bastaldy, dep habarlaıdy QazAqparat tilshisi.

Uqsas jańalyqtar
Almatyda senbi-jeksenbide aýyl sharýashylyǵy ónimderiniń jármeńkesi ótedi

«Jyl saıynǵy kúzgi jármeńkeler maýsymy bastaldy. Biz ár oblystaǵy áriptesterimizben tıisti kelisim jasadyq. Búgin kelip otyrǵan eki óńir 800 tonnaǵa jýyq aýyl sharýashylyǵy ónimin jetkizdi, onyń barlyǵy elimizde óndirilgen. Eń bastysy, bul jerde baǵanyń qoljetimdigin baıqaýǵa bolady. Suranys óte joǵary, osyndaı jármeńke ár apta saıyn bolady. Qazir etke suranys kóp ekenin kórdik, sony aldaǵy aptada eskeretin bolamyz», - deıdi Nur-Sultan qalasynyń ákimi Altaı Kólginov.

Ákim qala turǵyndaryn sanıtarlyq normalardy buzbaýǵa shaqyrdy.

Jármeńkede Túrkistan oblysy sharýalary 447,2 tonna aýyl sharýashylyǵy ónimin 15-20 paıyz tómen baǵamen usynýda. Atap aıtqanda, 34 júk kóligine tıelgen 267,7 tonna kókónis, baqsha, kartop, 29,5 tonna jemis-jıdek, 72 tonna et jáne et ónimderi, 47,5 tonna sút ónimderi, 10 tonna balyq, 6 tonna bal, 14,5 tonna jemis shyryny men konservi ónimderi qamtylǵan.

Óz kezeginde Almaty oblysy ákiminiń orynbasary Serik Turdalıev ákimdik jármeńkege arnap óńirden ónimderdi jetkizýge qoldaý jasaǵanyn atap ótti.

«Qalyptasqan dástúr boıynsha Almaty oblysynan aýyl sharýashylyǵy ónimerin elordamyzǵa jetkizdik. Osy oraıda barlyq aýdan-qalalar taýarlaryn alyp keldi. Nur-Sultan qalasynyń turǵyndary bizdiń ónimdi jaqsy biledi ári kútedi. Bizde eń tańdaýly alma túrleri, balyq pen et ónimderi bar. Qala turǵyndary tarapynan bizdiń taýarlarǵa suranys joǵary ekenin baıqap turmyz. Baǵanyń ózi 15 paıyz shamasynda arzan», - deıdi oblys ákiminiń orynbasary.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT