+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Túrkistan qalasynda tótenshe jaǵdaı kezinde de qurylys báseńdemeıdi

2020 jylǵy 3 sáýir 17:26
Bólisińiz:
Túrkistan qalasynda tótenshe jaǵdaı kezinde de qurylys báseńdemeıdi

TÚRKІSTAN. QazAqparat - Oblys ákimi Ómirzaq Shókeev Túrkistanda qurylysy qarqyn alǵan birqatar nysandy aralap, eldegi tótenshe jaǵdaıǵa qatysty talaptar men saqtyq sharalarynyń qatań saqtalýyn tekserdi, dep habarlaıdy QazAqparat oblys ákiminiń baspasóz qyzmetine silteme jasap.

Aımaq basshysy jelilik saıabaqty kórip, qalalyq Arbatty qaıta qalpyna keltirý jumystarymen tanysty. Sonymen qatar, «Kúltóbe qalashyǵy» arheologııalyq saıabaǵynda boldy. 11 gektar jerde ornalasqan jelilik saıabaqta attraktsıondar, salt- dástúrimizdi dáripteıtin sáýlet óneriniń týyndylary ornalasqan.

Ómirzaq Shókeev Túrkistannyń brendine aınalatyn negizgi jobalardyń biri – «Kerýen joly» qurylysynyń basynda boldy. Qaladaǵy Bekzat Sattarhanov kóshesiniń boıynda jaıǵasqan aýqymdy saıabaqtyń abattandyrý jumysyn tekserdi. Onda jumys kestesine sáıkes sýarý, drenaj júıelerin júrgizý, sý burqaq ornatý, sándik sý aıdyny jáne kóshetter otyrǵyzý júrip jatyr. Ashyq aspan astynda ornalasqan aýqymdy baqta ashyq basseın, sýsyz fontan qurylysy qyzý júrýde. Álemdik standarttarǵa saı salynyp jatqan bul aýmaq halyqtyń súıikti demalys ornyna aınalady.

Al, qalanyń rýhanı – mádenı ortalyǵynda ornalasqan ǵylymı-ámbebap kitaphanasynda syrtqy árleý jumystary júrgizilýde. Oblys basshysy Aqtóbe óńiriniń tartýy retinde salynyp jatqan drama teatrdyń qurylysyn aralady. Atalǵan nysandy qarjylandyrýdy Túrkistan men Aqtóbe oblysy birigip júrizedi. 4 qabatty ǵımarattyń jalpy kólemi 9 700 sharshy metr. Mádenı oshaq zamanaýı úlgide, barlyq talapqa saı salynýda. 510 adamǵa arnalǵan kórermen zaly, arnaıy avtoturaq bolady.

Oblys ákimi qurylys basshylaryna jumysshylardyń saqtyq sharalaryn qatań baqylaýdy, eldegi tótenshe jaǵdaıǵa oraı bekitilgen barlyq talaptardy saqtaýdy tapsyrdy. Qurylystyń báseńdemeýin mindettedi.

Qaladaǵy Q.A.ıAsaýı murajaıynyń syrtqy beti qaptalyp, ishki qabyrǵalary qalanyp jatyr. Ómirzaq Shókeev sondaı-aq ıAsaýı kesenesiniń aınalasynda júrip jatqan aýqymdy jumys barysyn aralap kórdi. Qasıetti keseneniń aınalasyn kógaldandyrý, abattandyrý jumystary aıasynda landshaf dızaınyna erekshe nazar bólingen.


Bizdiń kanalymyzǵa jazylyńyz:

Basty sózder: Túrkistan oblysy, Qurylys,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT