+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Túrkistan qalasynda Bekzat Sattarhanov atyndaǵy sport kesheni salynady

2021 jylǵy 23 aqpan 19:03
Bólisińiz:
Túrkistan qalasynda Bekzat Sattarhanov atyndaǵy sport kesheni salynady

TÚRKІSTAN. QazAqparat - Túrkistan qalasynda Bekzat Sattarhanov atyndaǵy daryndy balalardyń sport mektebiniń jańa jobasy maquldandy.

Uqsas jańalyqtar
Tatıana Ahmetova-Amanjol kúres túrlerinen Olımpıadaǵa joldama aldy Nokdaýn jáne nokaýt: Aıdos Medet Almatydaǵy keshte jeńiske jetti Nursultan Tursynov grek-rım kúresinen Azııa irikteý týrnıriniń jeńimpazy atandy

Sattarhanov dańǵylynyń boıynan boı kóteretin ǵımarat zaman talabyna saı, ári shahardyń jańarǵan kelbetine sáıkes salynbaq, dep habarlaıdy QazAqparat.

Jańa nysannyń qurylysy jaqyn ýaqytta bastalyp, keler jyly paıdalanýǵa berilmek. Aýmaǵy 320 oryndyq bolatyn sport kesheninde úlken zal men birneshe jattyǵý bólmeleri ornalasady dep josparlanǵan. «Jelilik saıabaq» boıynda, burynǵy ornynan qaıta boı kóteretin záýlim keshenniń aınalasy tolyq abattandyrylyp, kógaldandyrylady.

Búgin oblys ákimi Ómirzaq Shókeev jańa sport kesheniniń jobasymen tanysyp, maquldady. Aımaq basshysy sondaı-aq, Túrkistan qalasynda atqarylyp jatqan jumystardy pysyqtady. Qurylysshylarmen kezdesip, alańdarda saqtyq pen karantın sharttaryn kúsheıtý kerektigin eskertti. Qajet bolǵan jaǵdaıda táýlik boıǵy jumys kestesine kóshýdi tapsyrdy.

Oblys ákimi budan bólek Túrkistanda jańadan salynyp jatqan sáýleti erekshe meshit qurylysymen de tanysty. Qalaǵa kireberiste álemdegi ozyq tájirıbelerdi ushtastyrǵan eńseli meshittiń qurylysyn Ózbekstan prezıdenti Shavkat Mırzıeev qoldaǵan.

Shyǵystyq naqyshta jasalǵan Islam ortalyǵynyń 20 myń sharshy metr aýmaqqa jaıǵasqan. Jańa ǵıbadat ornynda 5 myń jamaǵat bir mezgilde sájdege bas tıgizip, qulshylyq ete alady. Dinı ǵımarat Uly Jibek joly boıymen kóne shaharǵa keletin týrısterdiń qyzyǵýshylyǵyn arttyratyn taǵy bir nysan bolmaq. Aq meshitte musylmandyq joralardy jasaıtyn oryndar, kongress-holl, neke saraıy, 400 oryndyq medrese, kitaphana, ashana salynady dep kútilýde. Al, ákimshilik-iskerlik ortalyǵynda qurylys jumystary júrip jatqan 38 kópqabatty turǵyn úılerdiń syrtqy qasbeti ashyq tústi travertın men aqshyl mármár taspen qaptalýda. Sattarhanov dańǵylynyń boıyndaǵy turǵyn úıler men ǵımarattardyń syrtqy kórinisi biryńǵaı stılde jańartylýda.

Oblys ákimi «Jelilik saıabaqtyń» úshinshi kezeńiniń jumysyn da baqylady. 15 gektar aýmaqta 200-ge jýyq jumysshy men 80 tehnıka jumyldyrylǵan. Ómirzaq Shókeev mádenı – rýhanı ortalyqtaǵy qurylys basynda bolyp, «Kerýen saraı» turǵyn úı kesheninde atqarylyp jatqan jumystar barysyn aralap kórdi. Alańnyń aýmaǵy jasyl jelekke oranyp, velojoldar salynýda. Jaıaý júrginshilerge yńǵaıly bolýy úshin jaryqshamdar men oryndyqtar qoıylyp, kógal, sý arnasy ótken demalys aımaǵyna aınalmaq.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT